11:10, 05 - مامىر 2022 | GMT +5
قىتايدا مەترو ستانسالارى جۇمىسىن توقتاتتى
نۇر-سۇلتان. قازاقپارات - بەيجىڭدە 60-تان اسا مەترو ستانسا جۇمىسىن ۋاقىتشا توقتاتتى.

بۇل كوروناۆيرۋسپەن كۇرەستىڭ قوسىمشا شاراسى رەتىندە قابىلدانعان شەشىم. كەيىنگى تاۋلىكتە شاھاردا ىندەت جۇقتىرۋدىڭ 50-دەن اسا دەرەگى تىركەلدى، دەپ حابارلايدى «حابار 24».
اۋرۋ وشاقتارى تىركەلگەن اۋدان تۇرعىندارىنا باسقا وڭىرلەرگە قاتىناۋعا تىيىم سالىنعان. بۇعان دەيىن مۇندا سپورت زالدارىنىڭ جۇمىسى شەكتەلگەن. ال قوعامدىق تاماقتانۋ ورىندارىنا مەيمانداردى قابىلداۋعا تىيىم سالىندى. بەيجىڭ جۇرتى اپتاسىنا 3 رەت پ ت ر- تەست تاپسىرىپ وتىرۋى ءتيىس.