10:09, 05 - مامىر 2022 | GMT +5
نۇر-سۇلتاندا ەرەكشە جول اپاتى ۆيدەوعا ءتۇسىپ قالعان
نۇر-سۇلتان. قازاقپارات - نۇر-سۇلتاندا كۋاگەرلەر ەرەكشە جول اپاتىن ۆيدەوعا ءتۇسىرىپ العان. كادردا ءبىر كولىكتىڭ ەكىنشىسىنىڭ استىنا قالاي وتكەنى كورسەتىلگەن.

ۆيدەو Instagram-داعى astana_sergek پاراقشاسىندا جاريالانعان.
نۇر-سۇلتان قالاسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، جول اپاتى 4-مامىردا ساعات 21.35 شاماسىندا ماڭگىلىك ەل داڭعىلى بويىنداعى ءابىش كەكىلباي ۇلى كوشەسىندە بولعان.
«Toyota 55 اۆتوكولىگىنىڭ جۇرگىزۋشىسى الدا كەلە جاتقان كولىككە دەيىنگى ارالىقتى ساقتاماي، Toyota 45-پەن سوقتىعىسقان»، - دەدى پوليتسەيلەر.
ۆەدومستۆو وكىلى جول اپاتىنان ەشكىم زارداپ شەكپەگەنىن اتاپ ءوتتى.
«Toyota 55 جۇرگىزۋشىسىنە ق ر ا ق ب ك 610-بابى بويىنشا اكىمشىلىك حاتتاما تولتىرىلدى. ماتەريال مامانداندىرىلعان اۋدانارالىق اكىمشىلىك سوتقا جىبەرىلدى»، - دەدى نۇر-سۇلتان پ د باسپا ءسوز قىزمەتى وكىلى.