پاۆلوداردا ءۇش مەملەكەتتىڭ ازاماتتىعىن العان ايەل ەلدەن شىعارىلدى

پاۆلودار. قازاقپارات - جەلەزين اۋداندىق سوتى قازاقستان زاڭناماسىن بۇزعان رەسەي جانە كانادا ازاماتشاسى م-عا قاتىستى ءىستى قارادى، دەپ حابارلايدى قازاقپارات.
None
None

«قازاقستان ازاماتتىعى تۋرالى» زاڭنىڭ 21-بابىنا سايكەس، ەگەر ادام باسقا مەملەكەتتىڭ ازاماتتىعىن العان بولسا، وسى ەلدەگى ازاماتتىعىن جوعالتادى. سونىمەن قاتار، قازاقستان ازاماتى سانالاتىن جانە شەت مەملەكەتتىڭ ازاماتتىعىن قابىلداعان ادام وزگە ازاماتتىقتى العان كۇنىنەن باستاپ كۇنتىزبەلىك وتىز كۇن ىشىندە قازاقستاننىڭ ىشكى ىستەر ورگاندارىنا نەمەسە شەت ەلدەردەگى مەكەمەلەرىنە حابارلاۋعا مىندەتتى.

سونداي-اق ول پاسپورتىن جانە جەكە كۋالىگىن تاپسىرۋعا ءتيىس. 23-ساۋىردە ۇرلىتوبە شەكارا بەكەتىندە تەكسەرۋ بارىسىندا زاڭنامامەن بەلگىلەنگەن مەرزىمدە شەتەل ازاماتتىعىن العانىن حابارلاماعان رەسەي فەدەراتسياسىنىڭ جانە كانادا رەسپۋبليكاسىنىڭ ازاماتشىسى م. انىقتالدى.

سوت وتىرىسىندا جاۋاپقا تارتىلاتىن تۇلعا كىناسىن تولىق مويىنداپ، 2017 -جىلدىڭ قاراشا ايىندا كانادانىڭ ازاماتتىعىن، سونىمەن بىرگە اعىمداعى جىلدىڭ ناۋرىزىندا ر ف ازاماتتىعىن العانىن، ءبىراق زاڭدى بىلمەگەندىكتەن قازاقستان پاسپورتىن تاپسىرماعانىن ءتۇسىندىردى.

سونىمەن قاتار، قازاقستاندا تۋىسقاندارى بولماۋىنا بايلانىستى ەلدەن شىعارۋدى سۇرادى.

سوت قاۋلىسىمەن ازاماتشا م. ا ق ب ت ك 496-بابى 2-ءبولىمى بويىنشا كىنالى دەپ تانىلىپ، قازاقستان اۋماعىنان اكىمشىلىك جولمەن شىعارىپ جىبەرۋ جازاسى تاعايىندالدى. قاۋلى زاڭدى كۇشىنە ەندى.


سوڭعى جاڭالىقتار