تۇركىستان وبلىسىنىڭ تراسسالارىنا «سەرگەك» كامەراسى ورناتىلۋدا

تۇركىستان. قازاقپارات - تۇركىستان وبلىسىنىڭ «تۇركىستان- شىمكەنت» باعىتىنا قويىلعان كوكارال، سپاتايەۆ اۋىلدارى ماڭىنداعى بەينەباقىلاۋ كامەرالارى بۇگىننەن باستاپ ىسكە قوسىلدى، دەپ حابارلايدى قازاقپارات ءتىلشىسى.
None
None

جىل باسىنان بەرى وبلىسقا قاراستى رەسپۋبليكالىق جانە حالىقارالىق ماڭىزى بار تراسسالاردا – 57، جەرگىلىكتى ماڭىزى بار اۆتوجولداردا 73 جول- كولىك وقيعاسى تىركەلدى. جالپى ءوڭىر بويىنشا 212 جول- كولىك اپاتى بولدى، سالدارىنان 286 ادام جاراقاتتاندى، 51 ى اجال قۇشتى.

ماماندار وبلىس اۋماعىنداعى جول-كولىك وقيعالارىنىڭ جارتىسىنان استامى جىلدامدىقتى شەكتەن تىس اسىرۋدان ورىن الاتىنىن ايتۋدا. سوندىقتان وبلىستاعى رەسپۋبليكالىق ماڭىزى بار جولدارعا «سەرگەك» ۆيدەوباقىلاۋ جۇيەلەرى ورناتىلۋدا.

«اتالعان بەينەباقىلاۋ كامەرالارى جىلدامدىقتى شەكتەن تىس اسىرعان كولىكتى دەر كەزىندە انىقتايدى. بارلىق «سەرگەك» جۇيەلەرىنىڭ الدىندا ەسكەرتۋ بەلگىلەرى ورناتىلعان. سوندىقتان جولدا مۇقيات بولىپ، جولدا ءجۇرۋ ەرەجەسىن ساقتاڭىزدار، قۇرمەتتى جۇرگىزۋشىلەر!»، - دەيدى تۇركىستان وبلىسى پوليتسيا دەپارتامەنتىنىڭ اكىمشىلىك پوليتسيا باسقارماسىنىڭ باستىعى الماسحان تاستانبەكوۆ.


سوڭعى جاڭالىقتار