الماتىدا جانارماي قۇيىلعان اۆتوتسيستەرنا ورتەنىپ جاتىر

الماتى. قازاقپارات - الماتىدا جانار-جاعارماي قۇيىلعان اۆتوتسيستەرنا وتقا وراندى، دەپ حابارلايدى قازاقپارات ءتىلشىسى.
None
None

ءورتتىڭ ۆيدەوسى الەۋمەتتىك جەلىدە تاراپ جاتىر.

الماتى قالالىق توتەنشە جاعدايلار دەپارتامەنتىنىڭ مالىمەتىنشە، بۇگىن كەشكى ساعات 20:20 شاماسىندا جەتىسۋ اۋدانىنا قاراستى انگارسكايا كوشەسى 97 ا مەكەنجايىنداعى ءورت تۋرالى حابارلاما تۇسكەن.

«توتەنشە جاعدايلار دەپارتامەنتىنىڭ كۇشتەرى مەن قۇرالدارى جوعارى رانگى بويىنشا ءورت ءسوندىرۋ جۇمىستارىنا جۇمىلدىرىلدى. جەتىسۋ اۋدانىندا جانار - جاعارماي قۇيىلعان اۆتوتسيستەرنا وتقا وراندى. ءورتتىڭ جاقىن ورنالاسقان ۆاگون ءتيپتى تسيستەرنالارعا، رەزەرۆۋارعا تارالۋ قاۋىپى بار»، - دەپ حابارلادى ۆەدومستۆادان.


وقيعا ورنىندا جەكە قۇرام قاۋىپسىزدىك شارالارىن ساقتاي وتىرىپ جۇمىس ىستەپ جاتىر. جەدەل شتاب قۇرىلىپ، كورشى رەزەرۆۋارلاردى سالقىنداتۋعا ءورت وقپاندارى بەرىلدى.

ءورتتى سوندىرۋگە 28 تەحنيكا مەن جەكە قۇرامنىڭ 80 ادامى جۇمىلدىرىلدى.

سوڭعى جاڭالىقتار