سوت قايرات قۇدايبەرگەندى قاماۋدا ۇستاۋ مەرزىمىن وزگەرىسسىز قالدىردى

الماتى. قازاقپارات- سوت ءماسليحات دەپۋتاتى قايرات قۇدايبەرگەندى قاماۋدا ۇستاۋ تۋرالى بۇلتارتپاۋ شاراسىن وزگەرىسسىز قالدىردى، دەپ حابارلايدى حابارلايدى قازاقپارات ءتىلشىسى.

الماتى قالالىق سوتىنىڭ باسپا ءسوز قىزمەتى ءمالىم ەتكەندەي، 4-مامىردا اپپەلياتسيالىق سوت وتىرىسى ءوتتى.

«بۇگىن الماتى قالالىق سوتىنىڭ قىلمىستىق ىستەر جونىندەگى سوت القاسى قاماۋعا الۋ سانكتسياسىن كۇشىندە قالدىردى، ادۆوكاتتاردىڭ جەكە شاعىمدارى قاناعاتتاندىرىلمادى. بۇعان دەيىن تەرگەۋ سوتى ءىس- ارەكەتتى سارالاۋ تۋرالى شەشىم قابىلدانعانعا دەيىن 30 تاۋلىككە قاماۋعا الۋ تۇرىندەگى بۇلتارتپاۋ شاراسىن قولدانۋعا سانكتسيا بەرگەن بولاتىن»، - دەلىنگەن سوتتىڭ حابارلاماسىندا.

ەسكە سالساق، ق ر باس پروكۋراتۋراسى الماتى قالاسى ءماسليحاتىنىڭ دەپۋتاتى قايرات قۇدايبەرگەن قاڭتار وقيعاسىنىڭ ءىسى بويىنشا ۇستالعانىن راستادى. قايرات قۇدايبەرگەن ديكي ارمانمەن بىرگە ادام جيناۋدى ۇيىمداستىرعان. كەيىن ول ءبىر ايعا قاماۋعا الىندى. ال 7-قاڭتاردا پوليتسەيلەر «ديكي ارمان» لاقاپ اتىمەن تانىمال قىلمىس الەمىنىڭ سەركەسى ارمان جۇماگەلديەۆتى ۇستادى .

اۆتور: الما مۇقانوۆا