ايدوس سارىم رەفەرەندۋمنىڭ باستى ارتىقشىلىعىن ايتىپ بەردى

نۇر-سۇلتان. قازاقپارات - كونستيتۋتسياعا تۇزەتۋلەر ەنگىزۋ جونىندەگى رەسپۋبليكالىق رەفەرەندۋم قوعامداعى سەنىمسىزدىكتەردى ەڭسەرۋگە مۇمكىندىك بەرەدى.

ق ر پارلامەنتى ءماجىلىس دەپۋتاتى ايدوس سارىم وسىنداي پىكىر ايتتى، دەپ حابارلايدى قازاقپارات ءتىلشىسى.

«جالپى رەفەرەندۋم وتكىزۋ ماڭىزدى قادام بولماق. سوڭعى رەت 1995 -جىلى رەفەرەندۋم وتكەن ەدى. سوڭعى ءارى العاشقى رەت سول كەزدە ءوتىپتى. قازىر كوبىمىز رەفەرەندۋم دەگەننىڭ نە ەكەنىن ۇمىتا دا باستادىق. سونداي-اق قوعامداعى سەنىمسىزدىك بويىنشا دا ماسەلەلەر بار. سوندىقتان كونستيتۋتسياعا تۇزەتۋلەر ەنگىزۋ مەن بۇكىلحالىقتىق رەفەرەندۋم وتكىزۋ ماڭىزدى. بۇل تۇزەتۋلەردى پارلامەنت ارقىلى وتكىزۋ وڭاي بولار ەدى. بىزدە ونداي پروتسەدۋرا بار جانە قولدانىلعان. ءبىراق بۇل قولعا الىنعان رەفورمالارعا جاڭا لەپ بەرۋ ءۇشىن، مەملەكەتتى باسقارۋ ىسىنە حالىقتى ارالاستىرۋ ءۇشىن، ەكىنشى رەسپۋبليكانى ىسكە قوسۋ ءۇشىن قاجەت سيمۆوليكالىق قادام. ءقازىر قولدانىپ جۇرگەن كونستيتۋتسيا رەفەرەندۋمدا قابىلدانعانىن بىلەمىز. ءبىرىنشى رەسپۋبليكانىڭ نەگىزىن سول كونستيتۋتسيا قالاعان ەدى. ەگەر ەكىنشى رەسپۋبليكانى قۇرۋ حالىقتىڭ ءوز قالاۋىن بىلدىرۋدەن باستالسا، قوعامدى توپتاستىرا الادى دەپ ولايمىن. رەفەرەندۋم قوعامعا دا، بيلىككە جاعىمدى سەرپىن بەرەدى. ويتكەنى ۇلكەن قۇندىلىقتار توڭىرەگىندە، ەلدىڭ جۇيەقۇراۋشى قۇجاتىنىڭ اينالاسىنا توپتاسۋعا مۇمكىندىك تۋىندايدى»، - دەدى ايدوس سارىم.

ءماجىلىس وكىلى پرەزيدەنت قاسىم-جومارت توقايەۆ باستاماشى بولعان كونستيتۋتسيالىق تۇزەتۋلەردىڭ پاكەتى مەملەكەتتىك باسقارۋ سالاسىن تەڭگەرىمگە كەلتىرۋگە باعىتتالعان.

«پرەزيدەنت وكىلەتىنىڭ ءبىرقاتار فينۋنكسياسى پارلامەنتكە بەرىلەدى. ازاماتتاردىڭ قۇقىقتارىن قورعايتىن جاڭا ورگان - كونستيتۋتسيالىق سوت قۇرىلادى. ول ورگان سوت جۇيەسىنىڭ ەڭ جوعارعى ساتىسىنا اينالادى. بۇل جەرگە ازاماتتار زاڭعا، مەلەكەتتىك ورگانداردىڭ نورماتيۆتىك شەشىمدەرى بويىنشا شاعىم تۇسىرە الادى. وسىلايشا كونستيتۋتسيا تىكەلەي ارەكەت زاڭىنا اينالىپ، ازاماتتار كونستيتۋتسيالىق قۇقىقتارى شەكتەلدى دەپ ەسەپتەسە، كونستيتۋتسيالىق سوتقا جۇگىنە الادى. جوعارى اۋديتورلىق پالاتا قۇرۋ دا ماڭىزدى. ول بيۋدجەت قارجىسىنىڭ جۇمسالۋى بارلىق دەڭگەيلەردە قاداعالايدى. قازىرگى تاڭدا ءتىپتى ءماجىلىستىڭ وزىندە وڭىرلەردەگى بيۋجەت قاراجاتىنىڭ جۇمسالۋى تۋرالى اقپاراتتى سۇراتۋعا، مەملەكەتتىك باعدارلامالاردى ىسكە اسىرۋدىڭ تيىمدىلىگىن باقىلاۋعا قۇقىعى جوق»، - دەدى دەپۋتات.

ايتا كەتەيىك بۇگىنگى ءماجىلىستىڭ جالپى وتىرىسىندا ايدوس سارىم ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتىنە اۋىستى.

اۆتور: ەسىمجان ناقتىباي