اسكەري وقۋ ورىندارىندا تەمىردەي ءتارتىپتى ۇيىمداستىرۋ ماڭىزدى - ەرلان سايروۆ
بۇل تۋرالى ءماجىلىس دەپۋتاتى ەرلان سايروۆ ايتتى، دەپ حابارلايدى قازاقپارات ءتىلشىسى. «ءبىزدىڭ قارۋلى كۇشتەردە ەكى پروبلەما بار، ياعني قاتارداعى جاۋىنگەرلەردىڭ ءزابىر كورۋى، اسكەردىڭ ەل الدىندا بەدەلىنىڭ تومەندەۋى بايقالىپ وتىر. بۇل - مەملەكەتتى قورعاۋ سالاسىنداعى جۇيەلى پروبلەما. ازاماتتار، اسكەر وكىلدەرى بۇل ماسەلەنى بىرىگىپ شەشۋى قاجەت. ەلىمىزدەگى اسكەري- پاتريوتتىق تاربيەنى قايتا قاراۋ وتە ماڭىزدى. اسكەري- پاتريوتتىق تاربيە بارىسىندا وتان قورعاۋ ميسسياسىنا پوزيتيۆتى ەموتسيونالدىق، كۇش- جىگەرلىك سەزىم، وتان قورعاۋدىڭ ماڭىزى جونىندە جاس جەتكىنشەكتەرگە تەرەڭ اقپارات بەرۋ كەرەك»، - دەدى ە. سايروۆ ۇكىمەت باسشىسىنىڭ ورىنباسارى ەرالى توعجانوۆتىڭ اتىنا جولداعان ساۋالىندا.
وسى ورايدا دەپۋتات «AMANAT» فراكسياسىنىڭ ءتيىستى ۇسىنىستارىن جاريالادى.
«كوپتەگەن عالىمدار «قوبىلاندى باتىر»، «الپامىس باتىر»، «قامبار باتىر»، «ەر تارعىن» سياقتى باتىرلار جىرىندا ەل تاۋەلسىزدىگىن سىرتقى جاۋلاردان قورعاۋ سارىنى ۇستەم دەپ اتاپ وتەدى. بالالىق شاقتان باتىرلار جىرىن، پاتريوتتىق سەزىمدى ارداقتاپ، باتىرلىقتى ماداقتاعان، اقىلدىلىق، پاراساتتىلىق، دوستىق ءتارىزدى ادامگەرشىلىك يگى قاسيەتتەردى دارىپتەيتىن مەكتەپكە دەيىن، مەكتەپ كەزەڭىندەگى باعدارلاما قاجەت»، - دەدى ول.
سونىمەن قاتار ە. سايروۆ مەملەكەتتىك ءتىل ۇتتىق ورلەۋدىڭ اجىراماس بولىگى ەكەندىگى جونىندەگى ۇعىم مەكتەپكە دەيىن، مەكتەپ باعدارلاماسىنىڭ وزەگى بولۋى ءتيىس ەكەنىن اتاپ ءوتتى.
«بەيبىت كۇندەگى قاتال تارتىپكە قازىرگى تەحنولوگيا زامانىنداعى جاس بۋىننىڭ بويى ۇيرەنبەي جاتىر. سوندىقتان اسكەري پاتريوتيكاعا جاڭا موتيۆاتسيانىڭ ءتاسىلىن ويلاستىرۋ كەرەك. قارۋلى كۇشتەر قۇرامىندا اسكەري - پاتريوتتىق جۇمىستى جۇيەلى تۇردە نىعايتىپ، جاڭا تەحنولوگيالار ەڭگىزۋ قاجەت. اسكەري وقۋ ورىندارىندا تەمىردەي تارتىپپەن قاتار، ادامگەرشىلىك، باۋىرمالدىق كۋرستارىن ۇيىمداستىرۋ ماڭىزدى. ادامنىڭ تاعدىرىن تىكەلەي شەشەتىن كومانديرلەر جوعارى مورالدىق- پسيحولوگيالىق دارەجەگە يە بولۋى ءتيىس»، - دەدى دەپۋتات.
اۆتور: رۋسلان عابباسوۆ
