قازاقستاندا كەن ورىندارى قورى تاياۋ بولاشاقتا تاۋسىلادى

نۇر- سۇلتان. قازاقپارات - قازاقستاندا گەولوگيالىق بارلاۋعا سالىناتىن مەملەكەتتىك ينۆەستيتسيا وتە تومەن.
None
None

بۇل تۋرالى ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ ايتتى، دەپ حابارلايدى قازاقپارات ءتىلشىسى.

«پايدالى قازبالاردىڭ كوپتەگەن تۇرلەرىنىڭ راستالعان قورى بويىنشا ەلىمىز الەمنىڭ جەتەكشى ەلدەرىنىڭ العاشقى وندىعىنا كىرەدى. بۇل رەتتە پايدالى قازبالاردى قارقىندى وندىرۋگە بايلانىستى گەولوگيا سالاسىنىڭ الدىندا تۇرعان باستى سىن- قاتەرى - قورلاردىڭ تولىقتىرۋ دەڭگەيىنىڭ تومەندىگى. ءوندىرۋدىڭ قازىرگى دەڭگەيىن الساق، ءتيىستى تولىقتىرۋسىز كوپتەگەن يگەرىلەتىن كەن ورىندارىنىڭ قورى تاياۋ بولاشاقتا تاۋسىلادى. وسىعان بايلانىستى، جەر قويناۋىن مەملەكەتتىك گەولوگيالىق زەرتتەۋدى جانداندىرۋ تالاپ ەتىلەدى. بۇل - كەيىننەن جەر قويناۋىن پايدالانۋعا بەرۋ ءۇشىن پەرسپەكتيۆالى الاڭدار مەن وبەكتىلەردى انىقتاۋدىڭ نەگىزگى ءادىسى»، - دەدى ەكولوگيا ءمينيسترى ۇكىمەت وتىرىسىندا.

ونىڭ ايتۋىنشا، 2020-2022 -جىلدارى مەملەكەتتىك سالىمدار كولەمى 30 ميلليارد تەڭگەنى قۇراعان. بۇل رەتتە، سوڭعى جىلدارى مەملەكەتتىك ينۆەستيتسيالاردىڭ ۇلعايۋى بايقالۋدا.

«سونىمەن بىرگە، قازاقستاندا گەولوگيالىق بارلاۋعا 1 شارشى كيلومەترگە سالىناتىن مەملەكەتتىك ينۆەستيتسيالار كورسەتكىشى وتە تومەن. بىزدە ول 11 ا ق ش دوللارى بولسا، اۋستراليادا - 167 دوللار، كانادادا - 203 دوللار. الەمدىك تاجىريبە كورسەتىپ وتىرعانداي، ينۆەستورلار ءوز قاراجاتىن مەملەكەت ەسەبىنەن بولجامدى رەسۋرستارى بار، پەرسپەكتيۆالى ۋچاسكەلەر بازاسى قالىپتاسقان جۇمىستاردىڭ ەرتە ساتىلارىن جۇرگىزگەن نەمەسە جۇرگىزۋ ۇستىندەگى ەلدەردە كەن ورىندارىن بارلاۋعا سالادى»، - دەدى س. برەكەشيەۆ.

وسىعان بايلانىستى، پرەزيدەنت تاپسىرمالارىن ورىنداۋ ءۇشىن گەولوگيا سالاسىنىڭ ءبىرقاتار نەگىزگى مىندەتتەرى بار.

«ءبىرىنشى - گەولوگيالىق زەردەلەنۋدى ارتتىرۋ جانە پەرسپەكتيۆالى ۋچاسكەلەردى انىقتاۋ. ەكىنشى - گەولوگيا سالاسىنىڭ ينفراقۇرىلىمى مەن گەولوگيا عىلىمىن دامىتۋ. ءۇشىنشى - وندىرىستىك- تەحنولوگيالىق پروتسەستەردى تسيفرلاندىرۋ جانە اۆتوماتتاندىرۋ. ءتورتىنشى - گەولوگيالىق زەرتتەۋدىڭ ينۆەستيتسيالىق تارتىمدىلىعىن ارتتىرۋ، مينەرالدىق- شيكىزات بازاسىن مولايتۋ ءۇشىن زاڭنامانى جەتىلدىرۋ. ءبىز گەولوگيا سالاسىن دامىتۋدىڭ 2025 -جىلعا دەيىنگى تۇجىرىمداماسىن ازىرلەدىك، وندا جوعارىدا اتالعان ماسەلەلەردىڭ شەشىمى كورىنىس تاپتى»، - دەدى س. برەكەشيەۆ.

اۆتور: ايجان سەرىكجان قىزى


سوڭعى جاڭالىقتار