ءماجىلىس كونستيتۋتسياعا ەنگىزىلەتىن وزگەرىستەردى قامتيتىن زاڭ جوباسىن قاراي باستادى

ناقتىراق ايتساق، ءماجىلىس «رەسپۋبليكالىق رەفەرەندۋم تۋرالى» ق ر كونستيتۋتسيالىق زاڭىنا وزگەرىستەر مەن تولىقتىرۋ ەنگىزۋ تۋرالى» ق ر كونستيتۋتسيالىق زاڭىنىڭ جوباسى بويىنشا قورىتىندى ازىرلەۋ جونىندە شەشىم قابىلدادى.
«نەگىزگى ماقسات - رەفەرەندۋم كەزىندە قولدانىلاتىن بيۋللەتەندەردى سايلاۋ بيۋللەتەندەرىمەن بىرىزدەندىرۋ. ءماجىلىستىڭ ءبىر توپ دەپۋتاتى زاڭ جوباسىن ازىرلەدى. زاڭ جوباسى رەسپۋبليكالىق رەفەرەندۋم وتكىزۋ كەزىندە بيۋللەتەندەرگە قويىلاتىن تالاپتاردى رەگلامەنتتەيتىن ەرەجەنى قامتيدى. بۇل داۋىس بەرۋ كەزىندە ازاماتتارعا قولايلى جاعداي جاسايدى»، - دەدى ءماجىلىستىڭ زاڭناما جانە سوت- قۇقىقتىق رەفورما كوميتەتىنىڭ ءتوراعاسى ارمان قوجاحمەتوۆ.
ايتا كەتەيىك بۇگىنگى ءماجىلىستىڭ جالپى وتىرىسىندا ايدوس سارىم ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتىنە اۋىستى.
اۆتور: ەسىمجان ناقتىباي