10:03, 04 - مامىر 2022 | GMT +5
جاپونيادا بالالار ازايىپ بارا جاتىر
توكيو. قازاقپارات - جاپونياداعى بالالار سانى ستاتيستيكا باستالعان 1950 -جىلدان بەرگى ەڭ تومەنگى دەڭگەيگە جەتكەن، دەپ حابارلايدى قازاقپارات كيودو جاڭالىقتارىنا سىلتەمە جاساپ.

1-ساۋىردەگى جاعداي بويىنشا، ەلدە 14 جاسقا دەيىنگى 14,65 ميلليون قىز بەن ۇل بار، بۇل ءبىر جىل بۇرىنعى كورسەتكىشپەن سالىستىرعاندا 250 مىڭعا از. ال ونداعى 14 جاسقا دەيىنگى كىشكەنتاي ازاماتتار قازىر حالىقتىڭ 11,7 پايىزىن عانا قۇرايدى. بۇل كورسەتكىش بويىنشا جاپونيا 40 ميلليوننان استام حالقى بار 35 ەلدىڭ ىشىندە ەڭ تومەنگى ورىندا تۇر.
«جاپونيا حالقى، ونىڭ ىشىندە ەلدە تۇراقتى تۇراتىن شەتەلدىكتەر 2020 -جىلدىڭ قازانىنان 2021 -جىلدىڭ قازانىنا دەيىن 644 مىڭ ادامعا ازايىپ، 125,5 ميلليونعا جەتتى. بۇل پروتسەسس قارت ادامداردان باسقا بارلىق جاس ساناتتارىندا بايقالدى. 65 جاستان اسقان ەرلەر مەن ايەلدەردىڭ سانى ءبىر جىلدا 190000-عا ارتىپ، 36,2 ميلليونعا جەتتى، بۇل جاپونيانىڭ جالپى حالقىنىڭ شامامەن % 29- ىن قۇرايدى»، - دەپ جازدى اقپارات كوزى.
اۆتور: سماعۇلوۆا ەركەجان