ب. اقشولاقوۆ: گاز وڭدەۋ زاۋىتتارى سالىنادى

نۇر- سۇلتان. قازاقپارات - قاشاعان ايماعىندا ەكى بىردەي گاز وڭدەۋشى زاۋىت قۇرىلماق. ولاردىڭ قۋاتى 2 ميلليارد جانە 6 ميلليارد تەكشە مەتر كوگىلدىر وتىن وڭدەيتىن شامادا بولماق، دەپ حابارلايدى «حابار 24».

2030 -جىلعا دەيىن ىسكە اساتىن جوسپار تۋرالى ەنەرگەتيكا ءمينيسترى بولات اقشولاقوۆ حابارلادى. بۇگىندە QazaqGaz ۇلتتىق كومپانياسى اتىراۋ وبلىسىندا گاز وڭدەۋ زاۋىتىن تۇرعىزۋدى قولعا العان. قۋاتتىلىعى 1 ميلليارد تەكشە مەتر بولاتىن جاڭا زاۋىتتىڭ قۇرىلىسى كەلەر جىلدىڭ سوڭى، نەمەسە 2024 -جىلدىڭ باسىندا اياقتالماق.

ەسكە سالا كەتسەك، بۇعان دەيىن ۆەدومستۆو باسشىسى ىشكى نارىقتى سۇيىق گازبەن تولىق قامتۋ ماقساتىندا ەكسپورتىن توقتاتۋ تۋرالى ايتقان ەدى.