اكتەر جان كلود ۆاندامم قوس قولى جوق قازاق سۋرەتشىسىنە العىس ايتتى

قاراعاندى. قازاقپارات - امەريكالىق اكتەر، رەجيسسەر جانە ءتۇرلى تريۋكتاردى قويۋشى جان- كلود ۆان دامم قاراعاندىلىق سۋرەتشى كارىپبەك كۇيىكوۆكە سۇڭقار قۇس بەينەلەنگەن كارتيناسى ءۇشىن العىس ايتتى، دەپ حابارلايدى قازاقپارات ءتىلشىسى.
None
None

«وتكەن جىلى دۋبايداعى ەكسپو كورمەسى اياسىندا مەنىڭ جەكە كورمەم ءوتتى. كەيىن وندا ءوزىمنىڭ بىرنەشە جۇمىسىمدى قالدىردىم. جاقىندا ۆان دامم سوندا كەلگەن. دۋبايدا ول سۇڭقارلار تۋرالى فيلم تۇسىرەدى. ۆان دامم قازاقستاندىق پاۆيلوندا بولعان كەزدە ءداۋىت شايحيسلاموۆ، ءاليحان جارىلعاپوۆ پەن ەرمەكجان وسىپبەكوۆ وعان مەن تۋرالى ايتىپ، ۆيدەو كورسەتكەن ەكەن. سودان كەيىن ولار ماعان قوڭىراۋ شالىپ، وعان سۋرەتىمدى بەرۋگە رۇقسات سۇرادى. مەن قۋانا- قۋانا كەلىستىم. مەن ءۇشىن بۇل ۇلكەن قۇرمەت. مىنە، ۆان دامم ماعان ارناپ ۆيدەو جازدى. وندا ول مەن سياقتى سۋرەتشىمەن تانىسىپ، مەنىڭ جۇمىسىمدى كورسەتكەنىن ايتتى. مەن ءوز كۋميرىمنىڭ نازارىنا ىلىككەنىمە وتە قۋانىشتىمىن»، - دەدى كارىپبەك كۇيىكوۆ.

جان- كلود ۆان دامم ءوزىنىڭ ۆيدەوحابارلاماسىندا قازاقستاندىقتارعا سالەم جولداپ، سۋرەتشىگە العىس ايتادى. ونىڭ سوزىنشە، سۋرەتشىنىڭ ەڭبەكتەرى تاڭعالدىرارلىق. كارىپبەك كۇيىكوۆ - ەرنى مەن اياق ساۋساقتارىنىڭ كومەگىمەن كارتينالار سالاتىن قاراعاندىلىق سۋرەتشى، حالىقارالىق انتيادرولىق قوزعالىستىڭ بەلسەندىسى. ول سەمەي يادرولىق پوليگونىنداعى سىناقتار سالدارىنان قوس قولسىز دۇنيەگە كەلگەن.


سوڭعى جاڭالىقتار