الماتىدا الەۋمەتتىك ماڭىزى بار تاۋاردىڭ باعاسى باقىلاۋدا

الماتى. قازاقپارات - الماتىدا الەۋمەتتىك ماڭىزى بار تاۋارلاردىڭ باعاسى قالالىق كاسىپكەرلىك جانە ينۆەستيتسيالار باسقارماسىنىڭ ەرەكشە باقىلاۋىندا.
None
None

بۇل تۋرالى اتالعان باسقارما باسشاسى ەركەبۇلان ورازالين ءمالىم ەتتى، دەپ حابارلايدى قازاقپارات ءتىلشىسى.

«بار كۇشىمىزدى قالانىڭ ازىق- تۇلىك قاۋىپسىزدىگىن قامتاماسىز ەتۋگە جانە الەۋمەتتىك ماڭىزى بار تاۋارلاردىڭ باعاسىن ۇستاپ تۇرۋعا جۇمساپ جاتىرمىز. قازىرگى ۋاقىتتا الماتىدا وندىرۋشىلەردە دايىن ءونىم مەن شيكىزاتتىڭ جەتكىلىكتى كولەمى بار. بۇل قوردى كۇن سايىن ەل وڭىرلەرىنەن فەرمەرلەر مەن تاۋار وندىرۋشىلەر اكەلىپ تولىقتىرىپ جاتىر. سوندىقتان الەۋمەتتىك ماڭىزى بار ازىق- تۇلىك تاۋارلارىنىڭ تاپشىلىعى بولجانبايدى»، - دەدى باسقارما باسشىسى.

سونىمەن قاتار تۇركىستان وبلىسىنىڭ وندىرۋشىلەرىمەن ەرتە پىسەتىن قىرىققاباتتى قالاعا جەتكىزۋ بويىنشا كەلىسىم شارتتارعا قول قويىلعان.

«مامىردان باستاپ تامىز ايىنىڭ سوڭىنا دەيىن 7 مىڭ توننادان استام كارتوپ، پياز جانە ءسابىز جەتكىزىلەدى. شىلدە ايىنان باستاپ الماتى وبلىسىنان 3,5 مىڭ توننا كوكونىس (كارتوپ، ءسابىز، پياز، قىرىققابات) جەتكىزۋ جوسپارلانۋدا. سونداي- اق 5 مىڭ توننا كارتوپ جانە 2 مىڭ توننا ءسابىز قورىن جاساۋ ءۇشىن پاۆلودار وبلىسىنىڭ تاۋار وندىرۋشىلەرىنە 300 ميلليون تەڭگە بولىنەدى»، - دەدى سپيكەر.

بۇعان دەيىن الماتىدا نان باعاسىن تۇراقتاندىرۋعا 150 ميلليون تەڭگە بولىنەتىنى تۋرالى جازعان بولاتىنبىز.


سوڭعى جاڭالىقتار