20:52, 03 - مامىر 2022 | GMT +5
بۇكىلالەمدىك بوكس قاۋىمداستىعى گولوۆكينگە سۋپەر چەمپيون اتاعىن بەردى
نۇر-سۇلتان. قازاقپارات - قازاقستاندىق گەننادي گولوۆكين بۇكىلالەمدىك بوكس قاۋىمداستىعى (WBA) نۇسقاسى بويىنشا ورتا سالماقتا سۋپەر چەمپيون دەپ تانىلدى.

بۇل تۋرالى Vesti.kz جازدى.
گولوۆكين بۇل مارتەبەنى ۇيىمنىڭ ءساۋىر ايىنداعى جاڭارتىلعان رەيتينگىندە الدى.
وتكەن ايدا قازاقستاندىق WBA Super جانە IBF تيتۋلدارى ءۇشىن بىرىككەن جەكپە-جەكتە جاپونيالىق ريوتا مۋراتانى نوكاۋتقا تۇسىرگەن بولاتىن. ولاردىڭ جەكپە-جەگى 9- ساۋىردە سايتامادا (جاپونيا) ءوتتى.
ايتا كەتەيىك، ورتا سالماقتاعى الەم چەمپيونى كۋبالىق ەريسلاندي لارا. رەيتينگتە بريتاندىق كىشى كريس يۋبەنك كوش باستاپ تۇر، مەكسيكالىق حايمە مۋنگيا ەكىنشى، ارگەنتينالىق سەرحيو مارتينەس ءۇشىنشى ورىندا.
وتانداسىمىز جانىبەك ءالىمحان ۇلى جەتىنشى ورىندا تۇر.