بەلارۋسكە ەكسپورتتالاتىن مۇناي كولەمى قازاقستاننىڭ مۇمكىندىگىنە ساي بەلگىلەنەدى – مينيستر
بۇل تۋرالى ەلوردادا ەنەرگەتيكا ءمينيسترى بولات اقشولاقوۆ ايتتى، دەپ حابارلايدى قازاقپارات ءتىلشىسى.
بۇگىن ەلوردادا «حالىقتىڭ تابىسىن ارتتىرۋدىڭ 2025-جىلعا دەيىنگى باعدارلاماسى» كەشەندى جوسپارىنا ارنالعان جيىننان كەيىن تىلشىلەر مينيستردەن بەلارۋس ەلىنە مۇناي ونىمدەرىن جەتكىزۋگە قاتىستى سۇراق قويدى.
«ەۋرازيالىق ەكونوميكالىق وداق اياسىندا 2025-جىلدان باستاپ مۇناي مەن مۇناي ونىمدەرىنىڭ ءبىرىڭعاي نارىعى جوسپارلانعان. وسىعان دەيىن ە ا ە و مۇشەلەرىمەن مۇناي جانە مۇناي ونىمدەرى سالاسىنداعى كەز كەلگەن قاتىستار ەكىجاقتى شارتتار بويىنشا ىسكە اسىرىلادى. بۇل قۇجاتتار راتيفيكاتسياعا جاتادى. سوندىقتان مۇناي مەن مۇناي ونىمدەرىن جەتكىزۋ تۋرالى بەلارۋسپەن اراداعى شارت كولەمدى ەمەس، جۇمىس ۇستانىمدارىن ايقىندايدى. ءونىم كولەمى جىل سايىن بەكىتىلەدى، ياعني بەلارۋستىڭ قاجەتتىلىگى مەن قازاقستاننىڭ مۇمكىندىگىن ەسكەرە وتىرىپ بەلگىلەنەدى»، - دەدى ب. اقشولاقوۆ.
وسى ورايدا ول مۇناي بويىنشا تەحنيكالىق مۇمكىندىكتەر بۇرىننان بار ەكەنىن، ال مۇناي ونىمدەرى بويىنشا تەمىرجول تاسىمالى بار ەكەنىن ەسكە سالدى.
«قۇجاتتارعا قول قويىلعاننان كەيىن، ەكى ەلدىڭ جاۋاپتى مينيسترلىكتەرى جۇمىستارىن باستايدى. بەلارۋس جىل سايىن 20-22 ميلليون توننا مۇنايدى يگەرەدى. بۇل رەتتە بەس ءىرى زاۋىت بار، ولار كەڭەستىك كەزەڭدە سالىنعان ەدى. بەلارۋستە ساپاسى جوعارى مۇناي ونىمدەرى شىعارىلادى، ەۋروپالىق ستاندارتتارعا ساي كەلەدى. سوندىقتان بۇل ەلدىڭ اۋماعىنان ەكسپورتقا شىعارىپ كەلەدى. ە ا ە و اياسىندا ونىمدەردى كەرى ەكسپورتتاماي، قاجەتتىلىكتەردى جابۋ ماقساتىندا جەتكىزۋ ماسەلەسى كوتەرىلىپ وتىر»، - دەدى مينيستر.
«تاريحي تۇرعىدا مۇنايدىڭ وسىنداي كولەمى (بەلارۋسكە) رەسەيدەن جەتكىزىلەتىن. وسى ورايدا ولاردىڭ كورشىلىك جاقىندىعى ەسكەرىلگەن ەدى، ەكىنشىدەن، ر ف- ءتىڭ مۇناي ءوندىرۋ كولەمى قازاقستانعا قاراعاندا ايتارلىقتاي جوعارى»، - دەدى ب. اقشولاقوۆ.
بۇدان بۇرىن حابارلانعانداي، ق ر ەنەرگەتيكا ءمينيسترى كاسپي قۇبىر جەلىسى كونسورتسيۋمى تولىق كولەمىندە جۇمىس ىستەپ تۇرعانىن ايتتى.
