پرەزيدەنت جەڭىس كۇنىنە وراي ءبىرقاتار شاراعا قاتىسادى

نۇر-سۇلتان. قازاقپارات – ق ر پرەزيدەنتىنىڭ باسپا ءسوز حاتشىسى رۋسلان جەلدىباي پرەزيدەنتتىڭ جەڭىس كۇنى مەيرامىنا وراي وتكىزىلەتىن ءىس-شارالارعا قاتىسۋىنا بايلانىستى ب ا ق ساۋالدارىنا قاتىستى جاۋاپ بەردى، دەپ حابارلايدى اقوردا.
None
None

«ب ا ق وكىلدەرى پرەزيدەنتتىڭ جەڭىس كۇنى مەيرامىنا وراي وتكىزىلەتىن ءىس-شارالارعا قاتىسۋىنا بايلانىستى ساۋالدارىن جولداپ جاتىر. بيىل 9- مامىر كۇنى مەملەكەت باسشىسى قاسىم-جومارت توقايەۆ ەلورداداعى «وتان قورعاۋشىلار» مونۋمەنتىندەگى ماڭگىلىك الاۋعا ءداستۇرلى گۇل قويۋ راسىمىنە قاتىسۋدى جوسپارلاپ وتىر. سونىمەن قاتار پرەزيدەنت 6- مامىردا وتان قورعاۋشىلار كۇنى مەن جەڭىس كۇنىنە ارنالعان سالتاناتتى جيىنعا قاتىسادى. مەملەكەت باسشىسىنىڭ تاپسىرماسى بويىنشا بيىل بارلىق وڭىردە سوعىس ارداگەرلەرىنە كەم دەگەندە 1 ميلليون تەڭگەدەن ءبىرجولعى جاردەماقى بەرىلىپ جاتىر»، - دەدى رۋسلان جەلدىباي.

سونىمەن قاتار ول تىل ەڭبەككەرلەرى مەن ولارعا تەڭەستىرىلگەن ازاماتتارعا دا ماتەريالدىق قولداۋ كورسەتىلەتىنىن ايتتى.

«8-9- مامىر كۇندەرى وبلىس اكىمدەرى دەڭگەيىندە سوعىس ارداگەرلەرىمەن جانە ولاردىڭ وتباسى مۇشەلەرىمەن ارنايى كەزدەسۋلەر ۇيىمداستىرىلادى. بۇكىل ەلىمىز بويىنشا «ارداگەرلەرگە تاعزىم» قايىرىمدىلىق اكسياسى وتەدى. سوعىس ارداگەرلەرىنە مەملەكەت تاراپىنان قاجەتتى كومەك الداعى ۋاقىتتا دا جۇيەلى تۇردە بەرىلەدى»، - دەدى باسپا ءسوز حاتشىسى.

سوڭعى جاڭالىقتار