شىمكەنتتە جىلاننان قورقىپ، كومەك شاقىرۋشىلار كوبەيىپ كەتتى - فوتو

شىمكەنت. قازاقپارات - شىمكەنت قۇتقارۋ قىزمەتىن جىلاننان قورقىپ شاقىرعاندار سانى كوبەيگەن.
None
None

قالالىق توتەنشە جاعدايلار دەپارتامەنتىنە وتكەن اپتادا وننان اسا وسىنداي قوڭىراۋ تۇسكەن، دەپ حابارلايدى قازاقپارات ءتىلشىسى.

ۆەدومستۆونىڭ مالىمەتىنشە، مامىر ايىنىڭ باسىنان بەرى قالا اۋماعىندا جىلانعا بايلانىستى 6 وقيعا تىركەلگەن.

«شىمكەنت قالاسىنداعى «ازات» مولتەكاۋدانىنىڭ ىنتىماق 1 «ا» ءۇيدىڭ ىشىندە، ليحاچيەۆا وتكەلى 1/21 ءۇيدىڭ اۋلاسىندا، اليمبەتوۆ كوشەسى 24 ءۇي، «كارينا» بالاباقشاسىنىڭ اۋلاسىندا، «تاسساي» شاعىناۋدانى مۇڭايتپاسوۆ كوشەسىندەگى ءۇيدىڭ اۋلاسىندا، نۇرتاس شاعىناۋدانى 190-ورام، 13-ۋچاسكەدەگى ءۇيدىڭ اۋلاسىندا، «ەلامان» شاعىناۋدانى، كوكجەلىك كوشەسى 10/46 ۋچاسكەدەگى ءۇيدىڭ اۋلاسىندا جىلان جۇرگەنى تۋرالى حابار ءتۇستى. قۇتقارۋشىلار وسى مەكەنجايلارعا بارىپ، جىلانداردى ارنايى قۇرالدار ارقىلى ۇستادى. ءسويتىپ ءقاۋىپسىز جەرگە شىعارىپ تاستادى»، - دەلىنگەن حابارلامادا.


ازىرگە ادامداردى جىلان شاققانى جونىندە اقپارات تۇسپەگەن. دەگەنمەن قالانىڭ قۇتقارۋ قىزمەتى تۇرعىندارعا اباي بولۋدى ەسكەرتەدى.

«ءساۋىردىڭ ورتاسى مەن مامىر ايىنىڭ سوڭىندا جىلانداردا جۇپتاسۋ پروتسەسى جالعاسادى. وسى كەزەڭدە ولار ەڭ قاۋىپتى جانە ىزاقور بولىپ كەلەدى» دەلىنگەن حابارلامادا.


اۆتور: اينۇر اقبايەۆا

سوڭعى جاڭالىقتار