قىزىلوردا پوليتسەيلەرى اسانالى ءاشىموۆتىڭ كولىگىنە قاتىستى ۆيدەونى ءتۇسىندىردى

قىزىلوردا. قازاقپارات - قىزىلوردالىق پوليتسەيلەر الەۋمەتتىك جەلىدە تالقىعا تۇسكەن اكتەر اسانالى ءاشىموۆتىڭ كولىگىنە قاتىستى ءمان-جايدى ءتۇسىندىردى، دەپ حابارلايدى قازاقپارات ءتىلشىسى.
None
None

بۇل جونىندە وبلىستىق پوليتسيا دەپارتامەنتى باسپا ءسوز قىزمەتى مالىمەت تاراتتى.

قىزىلوردا وبلىسىنىڭ پوليتسيا قىزمەتكەرلەرى مەملەكەتتىك تىركەۋ بەلگىسى ستاندارتقا سايكەس بولماعاندىقتان «Cadillac» اۆتوكولىگىن توقتاتقان. ونىڭ ۆيدەوسى الەۋمەتتىك جەلىدە تارادى.

«توقتاتۋ بارىسىندا كەڭەستىك جانە قازاقستاندىق كينو، تەاتر اكتەرى، رەجيسسەر اسانالى ءاشىموۆتىڭ 85 جىلدىعىنا بايلانىستى دەرەكتى فيلم ءتۇسىرىلىپ جاتقانى بەلگىلى بولدى. ەسكەرتۋ جاسالعاننان كەيىن اۆتوكولىككە سول جەردە ءتيىستى مەملەكەتتىك ءنومىرى تاعىلدى»، - دەپ ءمالىم ەتتى دەپارتامەنتتەن.

اۆتور: ءادىلجان ۇمبەت

سوڭعى جاڭالىقتار