12:08, 03 - مامىر 2022 | GMT +5
زەلەنسكي ۋكراينا ارمياسى رەسەي اۋماعىن باسىپ الۋعا ۇمتىلمايتىنىن ايتتى
نۇر-سۇلتان. قازاقپارات - ۋكراينا پرەزيدەنتى ۆلاديمير زەلەنسكي ءوز ەلىنىڭ قارۋلى كۇشتەرى جۇرگىزىپ جاتقان اسكەري وپەراتسيالار رەسەي اۋماعىنا تارالمايتىنىن مالىمدەدى.
ول سەيسەنبى كۇنى Al Arabiya تەلەارناسىنا بەرگەن سۇحباتىندا وقيعالاردىڭ قالاي ءوربيتىنى تۋرالى ءوز نۇسقاسىن ايتتى، دەپ حابارلايدى قازاقپارات.
«ۋكراينا قارۋلى كۇشتەرى رەسەي فەدەراتسياسىنىڭ اۋماعىندا اسكەري وپەراتسيالار جۇرگىزىپ جاتقان جوق. ولار ءوز اۋماعىن قورعاۋ ۇستىندە، رەسەي جەرىن باسىپ الۋعا ۇمتىلمايدى»، - دەدى زەلەنسكي.
ال ت ا س س اقپارات اگەنتتىگى بەلگورود، بريانسك جانە كۋرسك وبلىستارىنىڭ اۋماعى ۋكراينا تاراپىنان بىرنەشە رەت مينومەت پەن ارتيللەريالىق شابۋىلعا ۇشىراعانىن جازدى. رەسەيدىڭ اۋە قورعانىس جۇيەسى ۇشقىشسىز باسقارىلاتىن بىرنەشە ۇشاقتى انىقتاعان.
اۆتور: زارينا تۋعانبايەۆا
