ۇلتتىق بانك ساۋىردە تەڭگە باعامىنىڭ نىعايۋىنا نە اسەر ەتكەنىن ءتۇسىندىردى
«ءساۋىر ايىندا شەتەل ۆاليۋتاسىنا سۇرانىستىڭ ايتارلىقتاي تومەندەگەنى بايقالدى. قازاقستان قور بيرجاسىنداعى ساۋدا- ساتتىقتىڭ جالپى كولەمى 1,9 ميلليارد ا ق ش دوللارى بولعان كەزدە ساۋدا- ساتتىقتىڭ ورتاشا كۇندىك كولەمى 179 ميلليون ا ق ش دوللارىنان 92 ميلليون ا ق ش دوللارىنا دەيىن تومەندەدى. ۆاليۋتا نارىعىنا كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمدى ساتۋى قولداۋ كورسەتتى، ولار ىشكى ۆاليۋتا نارىعىندا شامامەن 253,2 ميلليون ا ق ش دوللارى بولدى. ءساۋىر ايىندا ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن ۆاليۋتا ساتۋ 168,3 ميلليون ا ق ش دوللارىن قۇرادى. ۇلتتىق قوردان ساتۋ ۇلەسى - ساۋدا- ساتتىقتىڭ جالپى كولەمىنىڭ 8,7 پايىزى» دەلىنگەن ۇلتتىق بانكتىڭ رەسمي حابارلاماسىندا.
ىشكى ۆاليۋتا نارىعىندا احۋالدىڭ تۇراقتانۋى اياسىندا ۇلتتىق بانك ساۋىردە ۆاليۋتالىق ينتەرۆەنتسيالاردى، سونداي-اق ب ج ز ق زەينەتاقى اكتيۆتەرى مەن سەنىمگەرلىك باسقارۋداعى باسقا دا قورلار ءۇشىن شەتەل ۆاليۋتاسىن ساتىپ الۋ نەمەسە ساتۋ وپەراتسيالارىن جۇرگىزگەن جوق. قىسقا مەرزىمدى پەرسپەكتيۆادا تەڭگەنىڭ قۇبىلمالىلىعى گەوساياسي جاعدايدىڭ وزگەرۋىنە، ىشكى قاتىسۋشىلاردىڭ كۇتۋلەرىنە جانە الەمدىك نارىقتارداعى احۋالعا بايلانىستى بولادى.
ۇلتتىق بانك تەڭگەرىمسىزدىكتىڭ جيناقتالۋىن بولدىرمايتىن جانە التىن- ۆاليۋتا رەزەرۆتەرىنىڭ ساقتالۋىن قامتاماسىز ەتەتىن يكەمدى باعام بەلگىلەۋ رەجيمىن ۇستانۋدى جالعاستىرادى.
