ءولىم جازاسىنا كەسىلگەن قىلمىسكەر كۇزەتشى ايەلمەن بىرگە قاشىپ كەتتى

ءدال وسى ۋاقىتتا تۇرمە قىزمەتكەرى ۆيككي ۋايت تا جوعالعان. بيلىك قىلمىسكەردىڭ كۇزەتشىنى كەپىلگە الۋى مۇمكىن ەكەنىن نەمەسە ول ۋايتقا ءوز ەركىمەن كومەكتەستى دەگەن نۇسقالاردى قاراستىرۋدا. قىلمىسكەر تۇرمەدەن جۇما كۇنى تاڭەرتەڭ قاشقان. 56 جاستاعى ۆيككي ۋايت رەتسيديۆيستتى تۇرمەدەن ءوزى شىعارىپ، باسشىلىققا ونى پسيحياترعا قارالۋعا اپارا جاتقانىن ايتقان. كەيىن بەلگىلى بولعانداي، بۇل كۇنى ەشقانداي كونسۋلتاتسيا بەلگىلەنبەگەن. ال ۋايتتىڭ ءوزى حاتتاماعا سايكەس ارەكەت ەتپەگەن، ەرەجەگە سايكەس تۇرمەنىڭ سىرتىندا قاۋىپتى قىلمىسكەردى ەكى كۇزەتشى بىرگە الىپ ءجۇرۋى ءتيىس. ۋايت ارىپتەستەرىنە قىلمىسكەردى سوتقا قالدىرىپ، ءوزى دارىگەرگە باراتىنىن ايتقان. كەيىن ونىڭ بۇل كۇنى دارىگەرگە قارالماعانى انىقتالدى. وندا كەيسي ۋايتتى اپارۋى ءتيىس سوت پسيحياترىنىڭ جوسپارلى ساراپتاماسى دا بولعان جوق. ۆيكي ۋايت الاباماداعى تۇزەۋ دەپارتامەنتىندە 25 جىل قىزمەت اتقارىپ، لودەردەيل وكرۋگى تۇزەۋ دەپارتامەنتى ديرەكتورىنىڭ ورىنباسارى بولعان. ونىڭ جۇمىسىنا تۇتقىنداردى سوتقا جەتكىزۋ كىرەدى. كۇزەتشى مەن قىلمىسكەر تۇرمەدەن جۇما كۇنى تاڭعى ساعات 9:00 شاماسىندا شىعىپ كەتكەن، ال تاڭعى ساعات 11.00 كەزىندە ونىڭ بوس پاترۋلدىك كولىگى ساۋدا ورتالىعىنداعى كولىك تۇراعىنان تابىلعان.
لودەرتەيل وكرۋگىنىڭ شەريفى سينگلتوننىڭ ايتۋىنشا، ۋايت تۇرمەدەن قاشۋدى 2020 -جىلى دا جوسپارلاعان، ءبىراق ويى ىسكە اسپادى.
اۆتور: زارينا تۋعانبايەۆا