مايكروسوفت كومپانياسى پايدالانۋشىلاردى ينتەرنەت ەكسپلورەر براۋزەرىنەن باس تارتۋعا شاقىردى

بۇل تۋرالى كومپانيانىڭ بلوگىندا حابارلاندى.
كورپوراتسيا وكىلدەرى قولدانۋشىلارعا ەسكىرگەن براۋزەردى قولداۋ شارالارى جاقىن ارادا اياقتالاتىنىن ەسكەرتتى. Microsoft ينجەنەرلەرى، اسىرەسە IT كومپانيالارعا ۇيرەنشىكتى براۋزەردەن جاڭاسىنا اۋىسۋ قيىن بولۋى مۇمكىن ەكەنىن اتاپ ءوتتى.
ءبىرىنشى كەزەكتە Microsoft كورپوراتسياسى Edge-تە Internet Explorer-دى ىسكە قوسۋعا مۇمكىندىك بەرەتىن ارنايى رەجيم بار ەكەنىن العا تارتقان. ماتەريال اۆتورلارى پايدالانۋشىلارعا بەلگىلى ءبىر سايتتاردىڭ بۇل باعدارلامامەن قالاي اشىلاتىنىن تەكسەرۋدى، ال ينجەنەرلەر ەسكى براۋزەردەن بىركەلكى ءوتۋ جانە جاڭا باعدارلامانى پايدالانۋدى باستاۋ ءۇشىن ارنايى كۇندى جوسپارلاۋعا كەڭەس بەردى.
ساراپشىلاردىڭ ايتۋىنشا، Internet Explorer- دەن Edge-گە بارلىق دەرەكتەر مەن پارامەترلەردى تاسىمالداۋ اسا ماڭىزدى. ول ءۇشىن Edge مەكەنجاي جولاعىنا «edge://settings/importData» پارمەنىن ەنگىزىپ، «يمپورتتاۋدان...» باتىرماسىن باسىپ، «Microsoft Internet Explorer» وپتسياسىن تاڭداۋ كەرەك. Microsoft وكىلدەرى 2022 -جىلدىڭ 15 -ماۋسىمىندا Internet Explorer- گە قولداۋ كورسەتۋ توقتاتىلاتىنىن ەسكە سالدى.
ەندى كومپيۋتەرىنە IE ورناتقىسى كەلەتىن پايدالانۋشىلار Edge براۋزەرىنىڭ پاراقشاسىنا باعىتتالادى.
اۆتور: زارينا تۋعانبايەۆا