وسكەمەن تۇرعىنى بۇركىتتىڭ جارالى بالاپانىن قۇتقاردى

وسكەمەن. قازاقپارات - وسكەمەن قالاسىنىڭ تۇرعىنى باقشاسىنان بۇركىتتىڭ جارالى بالاپانىن تاپقان، دەپ حابارلايدى قازاقپارات ءتىلشىسى.
None
None

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وسكەمەن تۇرعىنى باقشاسىنان كەزقۇيرىققا ۇقساس قۇستى تاپتى. ونى قاراپ شىققاننان كەيىن ءبىر قاناتىنىڭ جارالى ەكەنىن بايقاعان.

بىرنەشە كۇن بويى بويجەتكەن قۇستى ءوز ۇيىندە ۇستاپ كوردى. الايدا دۇرىس قاراي الماعاندىقتان پوليتسياعا قوڭىراۋ شالىپ، قۇستى جانۋارلاردى قورعاۋ مەكەمەسىنە جەتكىزۋگە كومەك سۇرادى. سول جەرگە قالالىق پ ب ەرتىس پوليتسيا ءبولىمىنىڭ ۋچاسكەلىك ينسپەكتورى اسەت ورالبەكوۆ كەلىپ جەتكەن.

«قاناتى سىنعان قۇس ادام كومەگىنسىز ءتىرى قالماس ەدى. قۇستى قۇتقارعان قىزعا راحمەت. قازىرگى ۋاقىتتا قۇستى كاسىبي مامانداردىڭ قولىنا تاپسىردىق»، - دەيدى ۋچاسكەلىك ينسپەكتور.

ۆەتەريناردىڭ ايتۋىنشا، بۇل قۇس كەزقۇيرىق ەمەس، دالا بۇركىتىنىڭ بالاپانى. بالاپان حايۋاناتتار باعىندا ۆەتەريناردىڭ باقىلاۋىندا. جازىلعان سوڭ ءوز ەركىنە جىبەرىلەدى.

سوڭعى جاڭالىقتار