11:33, 30 - ءساۋىر 2022 | GMT +5
الەم چەمپيونى اتاعى بار قازاق ارۋى سۇلۋلىق بايقاۋىن جەڭىپ الدى
نۇر-سۇلتان. قازاقپارات - 26 جاستاعى قازاقستاندىق دزيۋدوشى ايگەرىم ءابىلقادىروۆا نەاپولدە (يتاليا) وتكەن سۇلۋلىق بايقاۋىندا گران-پريدى جەڭىپ الدى، دەپ حابارلايدى Vesti.kz.

قازاقستاندىق سپورتشى «Miss Europe Continental-2022» حالىقارالىق سۇلۋلىق بايقاۋىنا شاقىرتۋ الىپ، ۇزدىك وندىققا ەندى دە، كەيىن جەڭىمپاز اتاندى.
ءابىلقادىروۆا گرەپپلينگتەن قازاقتان شىققان جالعىز الەم چەمپيونى. سونىمەن قاتار، ول تەلەديدار ەكراندارى مەن جۋرنالداردىڭ مۇقاباسىندا ءجيى كورىنەتىن مودەل جانە اكتريسا.