ىستانبۇلدا جارىلىس بولدى

قازىرگى ۋاقىتتا ىزدەستىرۋ شارالارى ءجۇرىپ جاتىر، زارداپ شەككەندەر بار، دەپ حابارلايدى قازاقپارات ءتىلشىسى.
ءورت ءسوندىرۋ قىزمەتىنىڭ حابارلاۋىنشا، جەرگىلىكتى ۋاقىت بويىنشا ساعات 13.00 دە تۋزلا ورحانلى يندۋستريالدى ايماعىنداعى حيميالىق زاۋىتتا جارىلىس بولعان.
وسىدان كەيىن قاتتى ءورت شىعىپ، ءتىلسىز جاۋ باسقا ءوندىرىس ورىندارىنا ءوتىپ، سول ارقىلى كاسىپورىننىڭ اينالاسىنا ايتارلىقتاي زالال كەلتىرگەن.
كورشى التى عيماراتتاعى تىزبەكتى ءورتتى ءورت سوندىرۋشىلەر ءبىر ساعاتتان كەيىن اۋىزدىقتادى. سەبەپتەرى انىقتالىپ جاتقان جارىلىس سالدارىنان ءۇش ادام قازا تاۋىپ، توعىز جۇمىسشى جاراقات الدى.
قۇتقارۋشىلار مەن مەديتسينالىق بريگادالار ادامدارعا قاجەتتى كومەك كورسەتۋدە. پوليتسەيلەر زاۋىت اۋماعىن قورشاۋعا الدى، كريمينولوگتار وقيعانىڭ ءمان-جايىن انىقتاۋدا.
قازىرگى كەزدە كاسىپورىن اۋماعىنان وقتىن-وقتىن جارىلىس دىبىستارى ەستىلەدى، قالانىڭ بىرنەشە اۋدانىنان قارا ءتۇتىن كورىنەدى. ادامداردى ىزدەۋ جانە ءورتتى ءسوندىرۋ جۇمىستارى جالعاسۋدا.