قازاقستاندىق تەننيسشى ميۋنحەن تۋرنيرىنىڭ فينالىنا شىعا المادى

نۇر-سۇلتان. قازاقپارات - قازاقستاندىق اندرەي گولۋبيەۆ جۇپتىق سىندا ميۋنحەن (گەرمانيا) ATP 250 تۋرنيرىنىڭ فينالىنا شىعا المادى، دەپ حابارلايدى قازاقپارات ءتىلشىسى.
None
None

ا. گولۋبيەۆ فرانسيالىق فابريس مارتەنمەن بىرگە جارتىلاي فينالدا برازيليالىق رافاەل ماتوس - يسپانيالىق داۆيد ۆەگا-ەرناندەسپەن كۇش سىناستى.

ەكى پارتيا دا تارتىستى ءوربىپ، ماتچ تاعدىرى تاي-برەيكتە شەشىلدى. برازيليالىق-يسپانيالىق جۇپ 7:6 (7:1)، 7:6 (7:2) ەسەبىمەن جەڭىسكە جەتتى.

ەكى ساعاتقا جۋىق ۋاقىتقا سوزىلعان باسەكە بارىسىندا قارسىلاستار ءبىر-بىردەن برەيك جاسادى.

تاعى ءبىر قازاقستاندىق الەكساندر نەدوۆەسوۆ پاكستاندىق ايسام-ۋل-حاك كۋرەشيمەن بىرگە پورتۋگالياداعى ەشتوريل ATP 250 دوداسىنىڭ جارتىلاي فينالىنا وتە المادى.

ولار وسى جارىستىڭ 1-راكەتكالارى، ۇلى بريتانيالىق دجەيمي ماررەي - جاڭازەلانديالىق مايكل ۆينۋسكە ەسە جىبەردى - 4:6، 4:6.

سوڭعى جاڭالىقتار