الماتىدا قارۋ-جاراق ساتىپ الۋ ناۋقانى ءجۇرىپ جاتىر

الماتى. قازاقپارات - الماتى پوليتسياسى تۇرعىنداردان زاڭسىز قارۋ-جاراقتى ساتىپ الۋ ناۋقانىن باستادى، دەپ حابارلايدى قازاقپارات ءتىلشىسى.
None
None

«25- ساۋىردەن باستاپ ەل اۋماعىندا زاڭسىز ساقتالعان اتىس قارۋى، وق-دارىلەر مەن جارىلعىش زاتتاردى حالىقتان ساتىپ الۋ جۇرگىزىلىپ جاتىر. بۇل شارا قوعامدىق قاۋىپسىزدىكتى قامتاماسىز ەتۋ، اتىس قارۋى مەن جارىلعىش زاتتاردى قولدانۋ ارقىلى جاسالاتىن قىلمىس پەن قۇقىق بۇزۋشىلىقتىڭ الدىن الۋ ماقساتىندا جاسالادى. اۋداندىق پوليتسيا باسقارمالارىندا ازاماتتاردىڭ ءوز ەركىمەن تاپسىرعان اتىس قارۋى، وق-دارىلەر مەن جارىلعىش زاتتاردىڭ تەحنيكالىق جاعدايىن انىقتاۋ، تولەمدى بەلگىلەۋ نەمەسە اقشالاي سىياقى تولەۋدەن باس تارتۋ ءۇشىن كوميسسيالار قۇرىلدى»، - دەدى الماتى قالالىق پ د اكىمشىلىك پوليتسيا باسقارماسىنىڭ باستىعى، پوليتسيا پولكوۆنيگى نۇرلان امانبەك.

پوليتسيا دەپارتامەنتى ەسكەرتكەندەي، ىشكى ىستەر ورگاندارىندا تىركەلمەگەن كەز كەلگەن قارۋ - زاڭسىز بولىپ سانالادى جانە تاپسىرىلۋى ءتيىس.

«كەز كەلگەن مىلتىق، اتىس قارۋى، تەگىس ۇڭعىلى، تراۆماتيكالىق قارۋ اۋماقتىق پوليتسيا باسارماسىنا تاپسىرىلۋى كەرەك. قارۋ قابىلدانعان كەزدە، قىلمىسقا قاتىسى بار-جوعىن تەكسەرۋ ءۇشىن كريميناليستەرگە جىبەرىلەدى»، - دەلىنەدى الماتى قالالىق پوليتسيا دەپارتامەنتى حابارلاماسىندا.

ەسكە سالايىق، الماتىدا قاڭتار وقيعاسىندا قارۋ-جاراق دۇكەنىن توناعان كۇدىكتى ۇستالدى.

سونداي-اق، الماتىدا كەڭسە عيماراتىنىڭ جانىنان جارىق شۋىلدى گراناتا تابىلعانىن جازعانبىز.

سوڭعى جاڭالىقتار