ۇلتتىق كەڭەس مۇشەلەرى رەفەرەندۋم وتكىزۋ يدەياسىن قولدادى

نۇر-سۇلتان. قازاقپارات - بۇگىن مەملەكەتتىك حاتشى ەرلان قارين ۇلتتىق قوعامدىق سەنىم كەڭەسى مۇشەلەرىمەن كەزدەسۋ وتكىزدى، دەپ حابارلايدى اقوردا.

وتىرىستا ەرلان قارين قازىرگى ۋاقىتتا كونستيتۋتسيالىق كەڭەستىڭ قاراۋىنداعى كونستيتۋتسياعا ەنگىزىلەتىن وزگەرىستەر مەن تولىقتىرۋلاردىڭ جوباسى تۋرالى ايتتى.

مەملەكەتتىك حاتشى كونستيتۋتسيالىق رەفورما العاش رەت حالىقتىڭ تىكەلەي داۋىس بەرۋى ارقىلى جۇزەگە اسىرىلاتىنىن جانە وسى قادام قازىرگى ساياسي رەفورمالاردىڭ ماڭىزىن كورسەتەتىنىن اتاپ ءوتتى.

بۇل رەفەرەندۋم ساياسي جۇيەنى تولىق جاڭعىرتۋ ءۇشىن قاجەت.

ۇلتتىق كەڭەس مۇشەلەرى رەفەرەندۋم وتكىزۋ يدەياسىن قولدادى.

ساراپشىلار كونستيتۋتسياعا ەنگىزىلەتىن تۇزەتۋلەر نەگىزگى ساياسي ينستيتۋتتاردىڭ قۇرىلىمىن وزگەرتەتىنىنە نازار اۋداردى.