رەفەرەندۋم العاش رەت حالىقتىڭ تىكەلەي داۋىس بەرۋى ارقىلى وتكەلى وتىر - ەرلان قارين

نۇر- سۇلتان. قازاقپارات – ق ر مەملەكەتتىك حاتشىسى ەرلان قارين پرەزيدەنتتىڭ كونستيتۋتسيالىق رەفورماعا قاتىستى رەسپۋبليكالىق رەفەرەندۋم وتكىزۋ تۋرالى باستاماسىنىڭ ماڭىزدى تۇستارىن اتادى، دەپ حابارلايدى قازاقپارات ءتىلشىسى.
None
None

«قازاقستان حالقى اسسامبلەياسىنىڭ سەسسياندا سويلەگەن سوزىندە مەملەكەت باسشىسى كونستيتۋتسياعا ەنگىزىلەتىن وزگەرىستەر مەن تۇزەتۋلەر جوباسىن رەسپۋبليكالىق رەفەرەندۋمعا شىعارۋدى ۇسىندى. سوڭعى رەت رەفەرەندۋم مەحانيزمى 1995 -جىلى قازىرگى كونستيتۋتسيانى قابىلداعان كەزدە قولدانىلعان ەدى. كونستيتۋتسياعا ەنگىزىلگەن الدىڭعى ءتورت تۇزەتۋدىڭ ءبارى پارلامەنتتە داۋىسقا سالۋ ارقىلى وتكەنىن ايتۋ كەرەك. بۇل جولعى كونستيتۋتسيالىق رەفورما العاش رەت حالىقتىڭ تىكەلەي داۋىس بەرۋى ارقىلى وتكەلى وتىر. ياعني، جالپى ۇلتتىق سيپاتى بار»، - دەپ جازدى ول Telegram كانالىندا.

ەرلان قاريننىڭ پايىمىنشا، الدا وتەتىن كونستيتۋتسيالىق رەفورما بيلىك تارماقتارىنىڭ اراسىنداعى قارىم- قاتىناس تەڭگەرىمىن وڭتايلاندىرىپ، حالىقتىڭ ەلدى باسقارۋعا قاتىسۋ مۇمكىندىگىن كەڭەيتەدى. سول ارقىلى ازاماتتاردىڭ كونستيتۋتسيالىق قۇقىعىنىڭ قورعالۋىن كۇشەيتەدى.

«بۇل مەملەكەتتىك مودەلدى جۇيەلى ترانسفورماتسيالايدى. سوندىقتان رەفەرەندۋم ەسكى مودەلدەن ءبىرجولا كەتىپ، ساياسي جۇيەنى قايتا جۇكتەۋ ءۇشىن قاجەت»، - دەپ جازدى مەملەكەتتىك حاتشى. بۇعان دەيىن ەرلان قارين ەلدەگى كونستيتۋتسيالىق رەفورمانىڭ 5 نەگىزگى باعىتىن اتاعان بولاتىن.

ەسكە سالا كەتەيىك، مەملەكەت باسشىسى قاسىم- جومارت توقايەۆ اتا زاڭعا وزگەرىستەر مەن تولىقتىرۋلار ەنگىزۋ جونىندە رەسپۋبليكالىق رەفەرەندۋم وتكىزۋدى ۇسىندى.


سوڭعى جاڭالىقتار