اباي، جەتىسۋ، ۇلىتاۋ وبلىستارىن قۇرۋ تۋرالى جارلىق جوباسى پرەزيدەنت قاراۋىنا ەنگىزىلدى

نۇر- سۇلتان. قازاقپارات - اباي، جەتىسۋ، ۇلىتاۋ وبلىستارىن قۇرۋ تۋرالى جارلىقتىڭ جوباسى پرەزيدەنت ق. ك. توقايەۆتىڭ قاراۋىنا ەنگىزىلدى، دەپ حابارلايدى ق ر ۇكىمەتىنىڭ باسپا ءسوز قىزمەتى.
None
None

مەملەكەت باسشىسىنىڭ تاپسىرماسىن ىسكە اسىرۋ اياسىندا ۇكىمەتتىك كوميسسيا قۇرىلىپ، اۋقىمدى جۇمىستار اتقارىلدى. جارلىق جوباسىن دايىنداۋ كەزىندە اۋداندىق جانە وبلىستىق ءماسليحاتتار دەڭگەيىندە ءبىرقاتار جاريا تىڭداۋلار ءوتتى. سونىمەن قاتار رەسپۋبليكالىق ونوماستيكا كوميسسياسىنىڭ وتىرىسى ءوتىپ، وندا جاڭا وبلىستارعا اتاۋلار بەرۋ تۋرالى ۇسىنىستار قولداۋ تاپتى.

اۋىلدىق ەلدى مەكەندەردە جەرگىلىكتى اتقارۋشى ورگاندار تۇرعىندارمەن كەزدەسۋلەر ۇيىمداستىرىپ، ءتۇسىندىرۋ جۇمىستارىن وتكىزدى. ق ر پرەزيدەنتىنىڭ باستاماسى جاڭادان قۇرىلاتىن وڭىرلەردىڭ تۇرعىندارى مەن قوعام بەلسەندىلەرى، اۋداندىق جانە وبلىستىق دەڭگەيدەگى دەپۋتاتتار تاراپىنان قولداۋ تاپتى. قوعامدىق پىكىرلەر مەن ۇسىنىستار ەسكەرىلە وتىرىپ، قايتا ۇيىمداستىرىلاتىن جانە جاڭادان قۇرىلاتىن وڭىرلەردىڭ شەكارالارى ايقىندالدى. ۇكىمەت قاۋلىسىمەن ق ر پرەزيدەنتىنىڭ قاراۋىنا ءتيىستى جارلىقتىڭ جوباسى ەنگىزىلدى.

ەسكە سالا كەتەيىك، مەملەكەت باسشىسى بيىلعى جولداۋىندا اباي، ۇلىتاۋ جانە جەتىسۋ وبلىستارىن قۇرۋ جونىندە تاپسىرما بەرگەن بولاتىن.

سوڭعى جاڭالىقتار