19:02, 29 - ءساۋىر 2022 | GMT +5
كولۋمبيادا ستۋدەنتتەر پرەزيدەنتكە قارسى باس كوتەردى
نۇر-سۇلتان. قازاقپارات - كولۋمبيادا ۇكىمەت قارسى نارازىلىق شاراسى ءوتىپ جاتىر. بۇل جولى ستۋدەنتتەر مەن جۇمىسشىلار باس كوتەرگەن.

ەل استاناسى بوگوتا كوشەلەرىنە شىققان بەلسەندىلەر بيلىكتەن جۇمىس ورنىندا قولايلى جاعداي تۋدىرۋدى جانە پوليسەيلەردىڭ زاڭسىز ارەكەتتەرىن تىيۋدى تالاپ ەتتى.
ەستەرىڭىزگە سالا كەتەيىك، وسىدان 1 جىل بۇرىن ءتارتىپ ساقشىلارى شەرۋشىلەردى كۇشپەن تاراتىپ، اقىر سوڭىندا 29 ادامدى ولتىرگەن بولاتىن. پوليسيا بەيبىت تۇرعىندارعا قارسى كوزدەن جاس اعىزاتىن گاز قولدانىپ، ءنوپىرى قاتتى مۇزداي سۋ شاشقان. ساقشىلار جاعىنان 3 ادام جارالانىپ، 13 ەرەۋىلشى قاماۋعا الىنعان ەدى.
www.24.kz