17:31, 29 - ءساۋىر 2022 | GMT +5
ەردوعان ساۋد ارابياسىنا ءىس ساپارمەن باردى
نۇر-سۇلتان. قازاقپارات - تۇركيا پرەزيدەنتى رەجەپ تايىپ ەردوعان سوڭعى 5 جىلدا العاش رەت رەسمي ءىس ساپارمەن ساۋد ارابياسىنا باردى.

تۇركيا باسشىسى بۇل ەلدىڭ مۇراگەر حانزاداسى موحاممەد بين سالمانمەن دجيددا قالاسىندا جۇزدەستى. تاراپتار انكارا مەن ەر- رياد اراسىنداعى ىنتىماقتاستىقتى قالپىنا كەلتىرۋ ماسەلەسىن تالقىلادى.
ايتا كەتەيىك، ەكى ەل اراسىنداعى ديپلوماتيالىق قارىم- قاتىناس جۋرناليست دجامال حاشوگيدىڭ قازاسىنان كەيىن سۋىپ كەتكەن ەدى. ءتىلشى ساۋد ارابياسىنىڭ ىستامبۇل قالاسىنداعى ەلشىلىكتە ولتىرىلگەن. بۇل وقيعا ەكى مەملەكەتتىڭ ەكونوميكالىق بايلانىسى مەن الىس بەرىسىنە سىزات تۇسىرگەن بولاتىن.
www.24.kz