بيزنەسكە زاڭسىز قىسىم كورسەتكەندەر قاتاڭ جازالانادى – پرەزيدەنت

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ بيزنەسكە زاڭسىز نەگىزدە قىسىم كورسەتكەن قاداعالاۋشى ورگانداردىڭ وكىلدەرى قاتاڭ جازالاناتىنىن ەسكەرتتى، دەپ حابارلايدى قازاقپارات ءتىلشىسى.
None
None

«ءبىز بيزنەسكە باسىمدىق بەرىپ، كاسىپكەرلەردى مەملەكەتتىڭ شەكتەن تىس قامقورلىعىنان ارىلتامىز. ازاماتتاردىڭ تابىسىنىڭ ولشەۋىشى پاراساتتى ەڭبەك، سىبايلاس جەمقورلىق پەن فاۆورتيزمنەن ادال، اشىق ءارى ءادىل باسەكە بولادى. كاسىپكەرلىكتىڭ ەركىندىگىن قامتاماسىز ەتىپ، قولايلى ينۆەستيتسيالىق كليمات قۇرۋ ارقىلى ءار قادامىن مىعىم باسقان ۇلتتىق بۋرجۋازيامىزدى قالىپتاستىرامىز»، - دەدى قاسىم- جومارت توقايەۆ قازاقستان حالقى اسسامبلەياسىنىڭ ХХХІ سەسسياسىندا.

«ەسكە سالامىن، 2019 -جىلعى جولداۋىمدا «بيزنەسكە كەدەرگى كەلتىرۋدىڭ كەز كەلگەن ارەكەتى مەملەكەتتىك قىلمىس بولىپ ەسەپتەلۋى كەرەك» دەپ ايتقان بولاتىنمىن. قاداعالاۋشى ورگاندار ازاماتتاردىڭ مۇددەلەرىن قوزعايتىن ناقتى قىلمىستاردى، ونىڭ ىشىندە الاياقتىق، قارجى پيراميدالارى، بيۋدجەت قاراجاتىن جىمقىرۋ سياقتى ەكونوميكالىق قىلمىستاردى اشۋعا جانە جولىن كەسۋگە نازار اۋدارۋعا مىندەتتى»، - دەدى مەملەكەت باسشىسى.

قاسىم- جومارت توقايەۆ «جاۋاپكەرشىلىكتى سەزىنەتىن، ادال بيزنەسكە ەشقانداي قىسىم بولمايتىنىن اتاپ ءوتتى. «ەگەر زاڭسىز قىسىم بولسا، قاداعالاۋشى ورگاندار، قۇقىق قورعاۋ ورگاندارىنىڭ وكىلدەرى قاتاڭ جازالانادى»، - دەدى پرەزيدەنت.

ايتا كەتەيىك، اسسامبلەيانىڭ ХХХІ سەسسياسىندا ۇلتتىق قۇرىلتايدىڭ قۇرامىنا كىمدەر كىرەتىنىن ايتتى .

سوڭعى جاڭالىقتار