كەلەسى ايدا «ۇلتتىق قۇرىلتايدىڭ» العاشقى وتىرىسى وتەدى

نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆ ءبىر ايدان كەيىن «ۇلتتىق قۇرىلتايدىڭ» العاشقى وتىرىسى وتەتىنىن ەسكە سالدى، دەپ حابارلايدى قازاقپارات ءتىلشىسى.

«ءبىر ايدان كەيىن جاڭا ديالوگ الاڭى - «ۇلتتىق قۇرىلتايدىڭ» العاشقى وتىرىسى وتەدى. قۇرىلتاي قوعامدى ەلدىڭ دامۋىنداعى وزەكتى ماسەلەلەردى تالقىلاۋ جولىندا توپتاستىرۋعا ارنالعان»، - دەدى پرەزيدەنت قازاقستان حالقى اسسامبلەياسىنىڭ 31-سەسسياسىندا. سونداي-اق، قاسىم- جومارت توقايەۆ اسسامبلەنىڭ قوعامدىق قۇرىلىمدارى ازاماتتىق قوعامدى قايتا جۇكتەۋ مىندەتىن شەشۋدەن شەتكەرى قالماۋى كەرەكتىگىن اتاپ ءوتتى.

«تىلدەر تۋرالى ايتقاندا ءبىز قازاقستان ءوز تاريحىنا، ەتنيكالىق ەرەكشەلىگىنە بايلانىستى كوپتىلدى مەملەكەت ەكەنىن ۇمىتپاۋىمىز كەرەك. بۇل ءبىزدىڭ ارتىقشىلىعىمىز، بۇل ءبىزدىڭ - اكتيۆىمىز. سونىمەن بىرگە مەملەكەتتىك ءتىل - قازاق ءتىلى. ءبىز مۇنى دا ەستە ۇستاپ، قازاق ءتىلىنىڭ مارتەبەسىن نىعايتۋىمىز كەرەك. ءبىراق بۇل قانداي دا ءبىر وزگە تىلدەرگە جانە سول تىلدەردە سويلەيتىن ادامدارعا، ازاماتتارعا زيان تيگىزبەۋى، تىپتەن كەمسىتىلۋىنە جول بەرمەۋى كەرەك. مەنىڭ ءوزىم بىرىككەن ۇلتتار ۇيىمىندا جۇمىس ىستەگەنمىن. اسىرەسە كوپەتنوستى، كوپۇلتتى مەملەكەتتەردە ۇلتتىق بىرلىكتى ساقتاۋدىڭ قانشالىقتى ماڭىزدى ەكەنىن بىلەمىن»، - دەدى مەملەكەت باسىشسى.

ايتا كەتەيىك، اسسامبلەيانىڭ بۇل جولعى جيىنى «ەل بىرلىگى - جاڭارعان قازاقستاننىڭ تىرەگى» كۇن تارتىبىمەن وتەدى.

اۆتور: ەسىمجان ناقتىباي