وزگە ەتنوستاردىڭ قازاقستان دامۋىنا قوسقان ۇلەسىن مەملەكەتتىك تىلدە ناسيحاتتاۋ كەرەك - پرەزيدەنت

«مادەنيەتىمىز ءارالۋان ەكەنىن كورسەتەتىن ەرەكشە اقپاراتتى ازىرلەۋ قاجەت. سونىڭ ىشىندە، قازاق ءتىلدى اۋديتوريامەن جۇمىس جۇرگىزگەن ءجون. قازاق ءتىلدى اۋديتوريانىڭ اۋقىمى كەڭەيىپ جاتىر. بۇل - جاعىمدى، وڭ ءۇردىس. قازاقستاندى دامىتۋعا وزگە ەتنوستاردىڭ قوسىپ جاتقان ۇلەسىن مەملەكەتتىك تىلدە ناسيحاتتاۋ ماڭىزدى. ءبىز وسى باعىتتا جۇمىس ىستەيتىن اقپارات قۇرالدارىن بارىنشا قولداۋىمىز كەرەك»، - دەدى مەملەكەت باسشىسى قازاقستان حالقى اسسامبلەياسىنىڭ 31-سەسسياسىندا.
سونداي-اق، پرەزيدەنت اسسامبەليانىڭ قوعام دامۋىنداعى وڭ ۇدەرىستەردىڭ باستاۋىندا جۇرگەنىن اتادى.
«اسسامبلەيا مەملەكەت پەن ازاماتتىق قوعام اراسىندا تابىستى سەرىكتەستىك ورناتۋدىڭ جاقسى ءۇردىسىن قالىپتاستىردى. ەتنومادەني بىرلەستىكتەر وسىنىڭ ايقىن كورىنىسى»، - دەدى قاسىم-جومارت توقايەۆ.
ايتا كەتەيىك، اسسامبلەيانىڭ بۇل جولعى جيىنى «ەل بىرلىگى - جاڭارعان قازاقستاننىڭ تىرەگى» كۇن تارتىبىمەن وتەدى.
اۆتور: ەسىمجان ناقتىباي