13:25, 29 - ءساۋىر 2022 | GMT +5
بەيجىڭدە كوروناۆيرۋستىڭ كۇرت كوبەيۋىنە بايلانىستى شەكتەۋلەر كۇشەيدى
نۇر-سۇلتان. قازاقپارات – ق ح ر بيلىگى كوروناۆيرۋسپەن كۇرەسۋ ماقساتىندا بەيجىڭدە شەكتەۋ شارالارىن كۇشەيتىپ جاتىر، - دەپ حابارلايدى Reuters.
كارانتيننىڭ جاڭا تالاپتارىنا سايكەس، بەيجىڭگە كىرەتىن بارلىق ادام ەندى 72 ساعاتتىڭ ىشىندە تەست تاپسىرۋى كەرەك. ودان بولەك، جەرگىلىكتى بيلىك ءقاۋىپ توبىنداعى ادامدارعا ءىشىنارا تەست جۇرگىزەدى.
ساراپشىلار بەيجىڭدە كوروناۆيرۋس دەرەگى كۇرت كوبەيسە جەرگىلىكتى بيلىك قالا بويىنشا تەست جۇرگىزۋى مۇمكىن ەكەنىن ايتادى.
سونىمەن قاتار، جەرگىلىكتى بيلىك چاويان اۋدانىنداعى وقۋشىلاردى قاشىقتان وقۋعا جىبەرگەن. وففلاين رەجيمدە ەمتيحانعا دايىندالىپ جاتقان ورتا جانە جوعارى سىنىپ وقۋشىلارى عانا وقيدى.
