ۇرىس جاعدايىنا جاقىنداتىلعان - استانادا تەرروريزمگە قارسى وقۋ-جاتتىعۋ وتەدى

نۇر-سۇلتان. قازاقپارات - بۇگىن نۇر-سۇلتان قالاسىندا ۇرىس جاعدايىنا بارىنشا جاقىنداتىلا وتىرىپ، لاڭكەستىك اكتىلەرگە قارسى وقۋ-جاتتىعۋ وتەدى.
None
None

بۇل تۋرالى ەلوردانىڭ تەرروريزمگە قارسى شۇعىل شتابىنان ءمالىم ەتتى، دەپ حابارلايدى قازاقپارات. تاراتىلعان اقپاراتقا سايكەس، وقۋ-جاتتىعۋ 29-ءساۋىر كۇنى ساعات 08.00-14.00 ارالىعىندا «قازاقستان تەمىر جولى» ۇ ك» ا ق-نىڭ تەحنيكالىق جولاۋشىلار پاركىنىڭ اۋماعىندا (شۋ كوشەسىنىڭ اياقتالعان تۇسى، ءال-فارابي - قوشقاربايەۆ كوشەلەرىنىڭ قيىلىسى) وتەدى. ءىس- شارا ماقساتى شۇعىل شتابتىڭ كۇشتەرى مەن قۇرالدارىنىڭ تەرروريستىك ارەكەتتەرگە دەرەۋ جاۋاپ قايتارۋ بويىنشا دايىندىعىن تەكسەرۋ.

«وقۋ-جاتتىعۋ ءتۇرلى كۇردەلى ەلەمەنتتەردى قامتي وتىرىپ، ۇرىس جاعدايىنا بارىنشا جاقىنداتىلعان. تەحنيكالىق جولاۋشىلار پاركىنىڭ ماڭايىندا شەكتەۋ شارالارى قاراستىرىلعان. وسىعان بايلانىستى ازاماتتاردان وتكىزىلىپ جاتقان ءىس- شارالارعا تۇسىنىستىكپەن قاراۋعا، قاۋىپسىزدىك شارالارىن ساقتاۋعا جانە جۇمىلدىرىلعان مەملەكەتتىك ورگاندار قىزمەتكەرلەرىنىڭ زاڭدى تالاپتارىن ورىنداۋعا شاقىرامىز»، - دەلىنگەن تەرروريزمگە قارسى شۇعىل شتاب حابارلاماسىندا.

اۆتور: ميرا تولەندى قىزى


سوڭعى جاڭالىقتار