قىزىلوردادا ەكسترەميستىك باعىتتاعى ماتەريالداردى ساقتاعان ادام ۇستالدى

قىزىلوردا وبلىسى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسى قىزمەتكەرلەرى جەدەل- ىزدەستىرۋ شاراسىن جۇرگىزدى. ناتيجەسىندە ەكسترەميستىك باعىتتاعى ماتەريالداردى ساقتاعانى ءۇشىن دەسترۋكتيۆتى ءدىني اعىمداعى 30 جاستاعى وبلىس تۇرعىنى انىقتالدى. وعان قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 453-بابى 4-بولىگىندە كوزدەلگەن قۇقىق بۇزۋشىلىق جاساعانى ءۇشىن اكىمشىلىك ءىس قوزعالدى.
وندا بۇقارالىق اقپارات قۇرالدارىنىڭ ءونىمىن، سول سياقتى وزگە دە ءونىمدى ق ر اۋماعىندا دايىنداۋ، ساقتاۋ، اكەلۋ، تاسىمالداۋ، تاراتۋ، كونستيتۋتسيالىق قۇرىلىسىن كۇشتەپ وزگەرتۋدى، ونىڭ تۇتاستىعىن بۇزۋدى، مەملەكەت قاۋىپسىزدىگىنە نۇقسان كەلتىرۋدى، سوعىستى، الەۋمەتتىك، ناسىلدىك، ۇلتتىق، ءدىني، تەكتىك-توپتىق جانە رۋلىق ارازدىقتى قوزدىرۋ جاعدايى كورسەتىلگەن. سوت قاۋلىسىمەن دەسترۋكتيۆتى ءدىني اعىم ۇستانۋشىسى كىنالى دەپ تانىلدى. وعان 214410 تەڭگە اكىمشىلىك ايىپپۇل سالىندى.
اۆتور: ءادىلجان ۇمبەت