تەمىرتاۋدا بالالاردى توناۋمەن اينالىسقان ۇرى ۇستالدى

تەمىرتاۋ. قازاقپارات - تەمىرتاۋ قالاسىندا بىرنەشە وقۋشىنىڭ كيىمدەرى مەن زاتتارىن ۇرلاعان قىلمىسكەر ۇستالدى، دەپ حابارلايدى قازاقپارات ءتىلشىسى.
None
None

19-ساۋىردە قاراعاندى وبلىسى تەمىرتاۋ قالاسى پ ب شىعىس پوليتسيا بولىمىنە 36 جاستاعى قالا تۇرعىنى جۇگىنگەن. ايەلدىڭ ايتۋىنشا، ونىڭ 14 جاستاعى ەگىز ۇلدارى قالاداعى ساۋىقتىرۋ ۇيىمدارىنىڭ بىرىنە جاتتىعۋعا بارعان. بالالار جاتتىعۋ زالىنان كيىنەتىن بولمەگە ورالعاندا كيىمدەرى مەن سپورتتىق جابدىقتارىن بەلگىسىز بىرەۋ ۇرلاپ الىپ كەتكەنىن انىقتاعان. شىعىن سوماسى 50 مىڭ تەڭگەنى قۇرادى.

«22-ساۋىردە جەدەل- ىزدەستىرۋ شارالارى بارىسىندا كريمينالدىق پوليتسيا قىزمەتكەرلەرى 31 جاستاعى ەر ادامدى ۇستادى. ول كىناسىن تولىق مويىندادى. زاتتاي دالەلدەمەلەر الىندى»، - دەپ مالىمدەدى پ د باسپا ءسوز قىزمەتى.

سوتقا دەيىنگى تەرگەۋ بارىسىندا ءتارتىپ ساقشىلارى كۇدىكتىنىڭ وسىعان ۇقساس تاعى ءۇش قىلمىسقا قاتىسى بارىن انىقتاعان. ونىڭ بارلىعى وسى ساۋىقتىرۋ ورتالىعىندا جاسالعان. ماسەلەن، 6-ساۋىردە قاسكۇنەم باسسەيندە ءجۇزىپ جۇرگەن ءبىر وقۋشىنىڭ جوقتىعىن پايدالانىپ، شەشىنۋ بولمەسىندەگى شكافتاردىڭ بىرىنەن بالانىڭ ۇيالى تەلەفونىن ۇرلاپ كەتكەن. قولدى بولعان تەلەفوننىڭ قۇنى - 129 مىڭ تەڭگە. ۇرىعا قاتىستى ق ر ق ك 188-بابى بويىنشا قىلمىستىق ءىس قوزعالدى.

اۆتور: اگاتا مۋحامەدجانوۆا


سوڭعى جاڭالىقتار