قازاقستانداعى ەڭ ۇزدىك ستۋدەنتتىك تەاترلار انىقتالدى - فوتو

رەسپۋبليكالىق فەستيۆالدە ءتۇرلى قالالاردان كەلگەن 6 تەاتر ۇجىمى ونەر كورسەتتى. ولاردىڭ قاتارىندا س. امانجولوۆ اتىنداعى ش ق ۋ، «تۇران» ۋنيۆەرسيتەتى، شاكارىم اتىنداعى ۋنيۆەرسيتەت، ءى. جانسۇگىروۆ اتىنداعى جەتىسۋ ۋنيۆەرسيتەتى، ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى جانە سەمەي مەديتسينا ۋنيۆەرسيتەتى بار. دارىندى جاستار قويعان سپەكتاكلدەردىڭ جانرلارى مەن تاقىرىپتارى ءارتۇرلى. ء«ىلياس جانسۇگىروۆ اتىنداعى جەتىسۋ ۋنيۆەرسيتەتىنەن كەلدىك. وسكەمەن حالقى ءبىزدى وتە جاقسى قارسى الدى. «قوشتاسقىم كەلمەيدى» اتتى قويىلىمىمىز كورەرمەنگە ۇنادى دەگەن ۇمىتتەمىن»، - دەيدى «جاس تۇلەك» ستۋدەنتتىك تەاترىنىڭ اكتەرى نازيرا ىنتىماق.
تەاتر ۇجىمدارى قوعامداعى وزەكتى ماسەلەلەردى اشىق كورسەتە وتىرىپ، ماڭىزدى تاقىرىپتار ارقىلى جۇرتشىلىققا وي سالۋعا ۇمتىلدى. قازىلار القاسى ستۋدەنتتىك تەاترلاردى ولاردىڭ ويىنى مەن تەاتر زاڭدىلىقتارىن، ونەر ەرەكشەلىگىن ساقتاۋ تۇرعىسىنان باعالادى.
فەستيۆال قورىتىندىسى بويىنشا ءى. جانسۇگىروۆ اتىنداعى جەتىسۋ ۋنيۆەرسيتەتىنىڭ «قوشتاسقىم كەلمەيدى» سپەكتاكلىمەن «جاس تۇلەك» ستۋدەنتتىك تەاترى جەڭىمپاز اتاندى. ستۋدەنتتەرگە 200 مىڭ تەڭگە كولەمىندە اقشالاي سىيلىق بەرىلدى.
ەكىنشى ورىندى «قاراگوز» قويىلىمىمەن «تۇران» ۋنيۆەرسيتەتى يەلەنسە، ءۇشىنشى ورىندى ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ «شاڭىراق» ستۋدەنتتىك تەاترى قانجىعاسىنا بايلادى.
فەستيۆالدە ەرەكشە كوزگە تۇسكەن ۇزدىك ارتىستەر دە ماراپاتتالدى. «ۇزدىك ايەل ءرولى» نوميناتسياسىندا س. امانجولوۆ اتىنداعى ش ق ۋ- دىڭ ءبىرىنشى كۋرس ستۋدەنتى جانىل تۇرسىنباي «تابامىن سەنى» قويىلىمىنداعى زادا ءرولىن ءساتتى ورىنداعانى ءۇشىن جەڭىپ الدى. بارلىق نومينانتتار اقشالاي سىيلىقتارمەن ماراپاتتالدى.
اۆتور: تالعاتجان مۇحامەتبەك ۇلى