اتىراۋدا ءوزارا باستەسۋدەن ۇتىلعان جاس ءوسپىرىم پوليتسياعا جالعان حابار بەرگەن

وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، 25-ساۋىردە ساعات 01:00 شاماسىندا ايمۇرات ەسىمدى تۇرعىننان «جۇلدىز» شاعىناۋدانىندا توبەلەس بولىپ جاتقانى جونىندە حابار تۇسكەن.
«پوليتسيا قىزمەتكەرلەرى شاعىن اۋداندى تەكسەرىپ، توبەلەس بولماعانىن انىقتادى. كەيىن بەلگىلى بولعانداي، كامەلەتكە تولماعان ءۇش جاس ءوسپىرىم ءوزارا باستەسىپ، ۇتىلىپ قالعان 15 جاستاعى بالا ايمۇرات دەگەن جالعان ەسىممەن پوليتسياعا حابار بەرگەن. ءۇش جاس ءوسپىرىم حابار بەرگەن ۋاقىتتا، تۇنگى ساعات 23:00-دەن كەيىن زاڭدى وكىلدەرىنىڭ ەرىپ ءجۇرۋىنسىز تۇرعىن- جايدان تىس جەردە بولعان. ولاردىڭ بۇرىن ءدال وسىنداي قۇقىقبۇزۋشىلىق ءۇشىن اكىمشىلىك جاۋاپقا تارتىلعانى انىقتالدى»، - دەپ حابارلادى دەپارتامەنتتىڭ باسپا ءسوز قىزمەتى.
جالعان حابار بەرگەن 15 جاستاعى جاس ءوسپىرىمنىڭ اتا- اتاسىنا قاتىستى ق ر اكىمشىلىك قۇقىقبۇزۋشىلىق تۋرالى كودەكسىنىڭ 438-بابىنىڭ 3-بولىمىمەن (ارناۋلى قىزمەتتەردى كورىنەۋ جالعان شاقىرۋ، وسى باپتىڭ بىرىنشى جانە ەكىنشى بولىكتەرىندە كوزدەلگەن، ون تورتتەن ون التى جاسقا دەيىنگى كامەلەتكە تولماعاندار جاساعان ارەكەتتەر)، 442-بابىنىڭ 3-بولىمىمەن (كامەلەتكە تولماعانداردىڭ زاڭدى وكىلدەرىنىڭ ەرىپ ءجۇرۋىنسىز تۇنگى ۋاقىتتا ويىن-ساۋىق مەكەمەلەرىندە نەمەسە تۇرعىنجايدان تىس جەردە بولۋى) اكىمشىلىك حاتتاما تولتىرىلدى.
سونداي-اق، ءۇش جاس ءوسپىرىمنىڭ اتا- اناسىنا 442-بابىنىڭ 3-بولىمىمەن (كامەلەتكە تولماعانداردىڭ زاڭدى وكىلدەرىنىڭ ەرىپ ءجۇرۋىنسىز تۇنگى ۋاقىتتا ويىن-ساۋىق مەكەمەلەرىندە نەمەسە تۇرعىنجايدان تىس جەردە بولۋى. وسى باپتىڭ ءبىرىنشى جانە ەكىنشى بولىكتەرىندە كوزدەلگەن، اكىمشىلىك جازا قولدانىلعاننان كەيىن ءبىر جىل ىشىندە قايتالاپ جاسالعان ارەكەتتەر) اكىمشىلىك حاتتاما جاساقتالىپ، جيناقتالعان ءىس- قۇجاتتار زاڭدى شەشىم قابىلداۋ ءۇشىن سوتقا جولداندى.
اۆتور: بەك مۇستافا