الماتى اكىمى حالىق الدىندا ءبۇلدىرشىننىڭ تۇساۋىن كەستى

الماتى. قازاقپارات - الماتى اكىمى ەربولات دوسايەۆ الاتاۋ اۋدانىنىڭ تۇرعىندارىمەن كەزدەسۋ كەزىندە جاس ءبۇلدىرشىننىڭ تۇساۋىن كەستى، دەپ حابارلايدى قازاقپارات ءتىلشىسى.
None
None

جيىندا اۋدان تۇرعىنى سەرىك قارمىسبايەۆ اتتى قاريا اكىمنەن شوبەرەسىنىڭ تۇساۋىن كەسىپ بەرۋىن ءوتىندى.

«اينالايىن ەربولات بالام! مەنىڭ ءبىر شوبەرەم بار ەدى. سونىڭ تۇساۋىن كەسىپ بەرىڭدەرشى وسى جەردە. ءبىر ايتايىن دەگەنىم. كوپ راحمەت»، - دەدى اقساقال.

ەربولات دوسايەۆ قاريانىڭ ءوتىنىشىن ورىنداپ، ءبۇلدىرشىننىڭ تۇساۋىن كەستى.

كەيىن اقساقال قازاقى داستۇرمەن بالاعا باتاسىن بەردى.

«تۇساۋىڭ كەسىلدى قۇلاما،

تىزەڭدى جارالاپ، جىلاما.

قۇلىنداي قۇلدىراڭداپ جۇگىرشى،

كانەكي ءوزىڭدى سىنا دا.

سەكىرسەڭ قۇزدان سۇرىنبە،

شىڭ قۇزعا شىققاندا بۇگىلمە.

بولاتتاي قابىرعاڭ قاتايسىن،

وت، جالىن ويناسىن تۇرىندە. ا

للا تاعالام باۋىرجاننىڭ باتىرلىعىن بەرسىن،

ابايدىڭ اقىندىعىن بەرسىن،

كۇلاشتىڭ انشىلىگىن بەرسىن،

تابانىڭ جەردەن تايماسىن.

وزىڭدەي سياقتى ەربولات،

ءبىر جەردەن شىعاتىن ۇلكەن ازامات بولسىن! اللاھۋ اكبار»، - دەپ باتاسىن بەردى قاريا.

ەسكە سالايىق، بۇگىن الماتى اكىمى ەربولات دوسايەۆ قالانىڭ الاتاۋ اۋدانىنىڭ تۇرعىندارىمەن كەزدەستى.

وندا قالا اكىمى الاتاۋ اۋدانىندا بيىل جاڭادان 50 ايالداما سالىناتىنىن، اۋدانداعى بەس ىقشام اۋداننىڭ سۋمەن جابدىقتاۋ جانە كارىز وبەكتىلەرىن «الماتى سۋ» مەكەمەسىنە بەرۋ ءۇشىن قاجەتتى قۇجاتتار دايىندالىپ جاتقانىن، سونداي-اق، الاتاۋ اۋدانىندا 7800 ورىندىق 5 مەكتەپتىڭ اشىلاتىنىن مالىمدەدى.

سوڭعى جاڭالىقتار