جىل سوڭىنا قاراي ينفلياتسيا تومەندەيدى - ساراپشىلار

تۇركيا ورتالىق بانكىنىڭ باسشىسى ش. كاۆدجيوعلۋنىڭ ايتۋىنشا، ەلدەگى ورتاشا ينفلياتسيا دەڭگەيى 2022-جىلدىڭ سوڭىندا - %42,8، كەلەسى جىلدىڭ سوڭىندا - %12,9، ال 2024-جىلدىڭ سوڭىنا قاراي %8,3 دەڭگەيىندە بولجانىپ وتىر.
«قازىرگى ۋاقىتتا ءبىز ينفلياتسيا دەڭگەيى وسى جىلدىڭ مامىر ايىنان كەيىن قيسىندى تۇردە تومەندەي باستايتىنىن بايقايمىز. ەكونوميستەر بۇل قارجىلىق كورسەتكىش بولجامدى ءمان دەڭگەيىنەن دە تومەن بولۋى مۇمكىن دەپ وتىر. بۇدان باسقا، وسى ەكونوميكالىق جاعدايدا بەس ءجۇز تۇرىك ليراسىنا تەڭ بانكنوت پەن 5 ليرا كولەمىندەگى تيىن شىعارۋ جوسپارلانباعان»، - دەدى ول.
سونىمەن قاتار، بيىلعى ناۋرىزدا ۇكىمەتتىك ەمەس تۇرىك ۇيىمى - ENAG ينفلياتسيانى زەرتتەۋ توبى جىلدىق ينفلياتسيا دەڭگەيى %142,63 بولعانىن حابارلادى.
بۇل تۇركيانىڭ ستاتيستيكا ينستيتۋتىنىڭ (TـىK) رەسمي كورسەتكىشىنەن ەكى ەسە كوپ. سول ايداعى اتالعان كورسەتكىش %61,14 بولعان ەدى.