ەل اۋماعىن قامتيتىن ءىرى تۋريستىك باعىتتار جاساقتاۋ ۇسىنىلدى

نۇر- سۇلتان. قازاقپارات - بۇگىن الماتىدا تۋروپەراتورلارمەن، بيزنەسمەندەرمەن، «Kazakh Tourism» ۇلتتىق كومپانياسى» ا ق جانە الماتى قالاسى مەن وبلىسى اكىمدىكتەرىنىڭ وكىلدەرىمەن كەزدەسكەن مادەنيەت جانە سپورت ءمينيسترى داۋرەن ابايەۆ جاڭا تۋريستىك باعىتتاردى قۇرۋ جانە جايلاستىرۋ ماسەلەلەرىن تالقىلادى، دەپ حابارلايدى قازاقپارات ۆەدومستۆوعا سىلتەمە جاساپ.
None
None

«ءبىز شەت ەلدەردەگى كوپتەگەن گراند تۋرلاردى بىلەمىز. مىسالى، شۆەيتساريادا بۇكىل ەل اۋماعىن قامتيتىن ۇلكەن تۋر وتەدى. ونى تۋريستەر ءبولىپ- ءبولىپ نەمەسە تولىعىمەن وتكىزە الادى. وسىلايشا، ءبىر ساياحاتتا بۇكىل باعىتتى بىلە الاسىز. مارشرۋت بويىندا ءتۇرلى تاقىرىپتارعا ارنالعان، كولىكتىڭ ءار تۇرىمەن ۇيىمداستىرىلاتىن، بىرنەشە ءىس- شارا ۇسىناتىن تۋرلار قۇرىلۋى مۇمكىن»، - دەپ اتاپ ءوتتى مينيستر.

مينيسترلىك وسى باعىتتاردى جوسپارلى تۇردە دامىتۋدى ۇسىنادى. الدىمەن، تاڭدالعان مارشرۋتتاردى اباتتاندىرۋ، ەكىنشى كەزەڭدە «جۇمساق» ينفراقۇرىلىمدى جانە مارشرۋتتاردى ساپالى تۇرعىدا دامىتۋ. كەلەسى كەزەڭ - تۋروپەراتورلارمەن بىرگە ماقساتتى تۇردە تۋرلاردى بەلسەندى جىلجىتۋ. بۇعان دەيىن «Kazakh Tourism» ۇلتتىق كومپانياسى» ا ق باسقارما ءتوراعاسى تالعات امانبايەۆ پاندەميا سالدارىنان وتاندىق تۋريزم ميللياردتاعان شىعىنعا باتقانىن ءمالىم ەتكەن.


سوڭعى جاڭالىقتار