جازۋشى ءجادي شاكەن ۇلىنىڭ شىعارماشىلىق كەشى وتەدى

ءىس- شارا 2022 -جىلدىڭ 5-مامىرىندا ساعات 15.00 دە وتەدى دەپ جوسپارلانۋدا.
ءجادي شاكەن ۇلىنىڭ شىعارماشىلىق كەشىنە ق ر ءماجىلىس دەپۋتتارى، مەملەكەتتىك جانە قوعامدىق ۇيىمداردىڭ باسشىلارى، عىلىمي جانە شىعارماشىلىق زيالى قاۋىم وكىلدەرى، جازۋشىنىڭ قالامداس سەرىكتەرى قاتىسادى. ءومىرزاق وزعانبايەۆ، اباي تاسبولاتوۆ باستاعان بەلگىلى تۇلعالار مەن ت. ع. د. پروفەسسورلار ەركىن ءابىل، بۇركىتباي اياعان، جازۋشى- جىرشى بايانعالي ءالىمجانوۆ، بالالار جازۋشىسى تولىمبەك ءابدىرايىموۆ، جازۋشىلار وداعىنىڭ استاناداعى وكىلەتتى باسشىسى داۋلەتكەرەي كاپ، ت. ب. كورنەكتى تۇلعالار قۇتتىقتاۋ لەبىزدەرىن بىلدىرەدى. جازۋشى شىعارماشىلعى تۋرالى ويلارىمەن بولىسەدى. ەرلان رىسقالي، مەرۋەش باشاي، گۇلزيرا بوكەيحان، سەرىك وسپانوۆ، اردابي ماۋلەت، قۇرمانبەك ءالىمعازى، ت. ب. ونەر قايراتكەرلەرى ءان- كۇيدەن شاشۋ شاشادى. نۇر- سۇلتان قالاسىنداعى مەكتەپ وقۋشىلارىنىڭ قاتىسۋىمەن ءجادي شاكەن ۇلىنىڭ سوزىنە جازىلعان اندەر ورىندالىپ، ولەڭدەرى وقىلادى.
ءجادي شاكەن ۇلى قىتاي حالىق رەسپۋبليكاسىنىڭ التاي وڭىرىندە ەرتىس وزەنىنىڭ جاعاسىندا تۋىپ وسكەن. 1997-جىلى اتاجۇرتقا ورالعان. 2001-جىلى اباي اتىنداعى الماتى مەملەكەتتىك ۋنيۆەرسيتەتىنىڭ فيلولوگيا فاكۋلتەتىنىڭ اسپيرانتۋراسىن بىتىرگەن.
قازاقستان جازۋشىلار وداعىنىڭ مۇشەسى، ەۋرازيا جازۋشىلار وداعىنىڭ مۇشەسى، حالىقارالىق شىڭعىسحان اكادەمياسىنىڭ، ق ر تاريح جانە قوعامدىق عىلىمدار اكادەمياسىنىڭ اكادەميگى.
ج. شاكەن ۇلىنىڭ ەلگە ورالعانداعى ەڭبەك جولى ءساتتى قادامدارمەن، حالقىنا قىزمەت ەتۋمەن ءوتتى.
ادەبيەت جانە جۋرناليستيكا سالاسىندا - «شالقار-2» گازەتىندە باس رەداكتوردىڭ ورىنباسارى، «قازاق ادەبيەتى» گازەتىندە پروزا ءبولىمىنىڭ مەڭگەرۋشىسى، «اتاجۇرت» باسپا ورتالىعىندا جانە «ءۇن» جۋرنالىندا باس رەداكتور، «جاس قازاق ءۇنى» گازەتىندە باس رەداكتورىنىڭ ورىنباسارى قىزمەتتەرىن اتقاردى.
«اقبوتا»، «بالقايماق»، «قىتايداعى قازاقتار»، «ءبىر ۋىس ساۋلە»، «قارالى كوش»، «جالعىزدىڭ ءۇنى»، «اقبالاپان»، «جانىبەك باتىر»، «اقىلناما»، «ارمانشىل بالا»، «جۇرەك نەگە جىلايدى»، «التاي الىپتارى» (ق. ايدارحانۇىلمەن بىرگە)، «قارالى كوش»، «ەل باستاعان ەلىسحان»، «بوزمۇنار»، «قىتاي قازاقتارىنىڭ ادەبيەتى»، «وسپان باتىر جانە شىعىس تۇركىستان ماسەلەلەرى»، «تۇلپارلار ءدۇبىرى»، «تۇركىلىك تەك جانە قازاق تۇرعاقتارى»، «قوجابەرگەن باتىر جانىبەك ۇلى» (س. بورباسوۆ، ا. توقتابايمەن بىرگە) كىتاپتارىنىڭ اۆتورى. شىعارمالارى «بالالار پوەزياسىنىڭ انتولوگياسى» سىندى ۇجىمدىق جيناقتارعا دا ەنگەن.
شەتەل قازاقتارى مەن جاستار تاقىرىبىنا ارنالعان جيىرمادان استام كىتاپتى قۇراستىردى. باسپا سالاسىندا اسقار تاتاناي ۇلىنىڭ «ەل قورعانى - ابىلاي»، ماعاز رازدان ۇلىنىڭ «التايدىڭ اقيىقتارى»، جاقسىلىق ءساميت ۇلىنىڭ «اتامەكەن»، سەيىتحان ءابىلقاسىم ۇلىنىڭ «قۋعىن»، قۋانعان جۇماحان ۇلىنىڭ «قۇستار قايتىپ بارادى»، ىرسالدى توكەيەۆانىڭ «وي تولقىنى»، ءشامىس قۇمار ۇلىنىڭ «ەر جانىبەك»، قاجىعۇمار شابدان ۇلىنىڭ «قىلمىسى» سەكىلدى كوپتەگەن كىتاپتاردى رەداكسيالاپ، شەتەل قازاق ادەبيەتىنىڭ اتا جۇرتتا جارىق كورۋىنە كورنەكتى ۇلەس قوستى.
بۇدان سىرت جارىق كورىپ ۇلگەرمەگەن «قايران ەلىم»، «جۇمباق كىتاپ»، «اققۋ جىلاعان ءتۇن»، «بالالار ادەبيەتىنىڭ تەوريالىق ماسەلەلەرى» سىندى كىتاپتارى بار.
بالالارعا ارنالعان مىسال اڭگىمەلەرى قازاقستان رەسپۋبليكاسىنىڭ باستاۋىش سىنىپتارىنىڭ «انا ءتىلى» وقۋلىعىنا، اڭگىمەلەرى تۋرالى زەرتتەۋلەر مەن «شىنجاڭ قازاق ادەبيەتى» ەڭبەگى ادەبيەت تەورياسى جيناقتارىنا كىرگەن. شىعارمالارى تۇرىك، قىتاي، يران تىلدەرىنە اۋدارىلعان.
ج. شاكەن ۇلى شىعارماشىلىعى حاقىندا تۇرسىنبەك كاكىشيەۆ، توقتار بەيىسقۇلوۆ، مىڭباي ءراش، راحىمجان وتاربايەۆ، تەمىرحان تەبەگەنوۆ، جانات احماديەۆ، ءتۇرسىنالى رىسكەلديەۆ، ابدۋاقاپ قارا، ت. ب. تۇلعالار قۇندى پىكىرلەر ءبىلدىرىپ ماقالالار جاريالاعان.
اتالعان ءىس- شارا ءجادي شاكەن ۇلىنىڭ 55 جاسقا تولعان تۋعان كۇنىنە (05.05.2022-55 جاس) ورايلاستىرىلىپ وتىر.
ءىس- شارا بۇقارالىق اقپارات قۇرالدارى مەن الەۋمەتتىك جەلىلەردە كەڭىنەن جاريالانادى.
مەكەن- جايى: نۇر- سۇلتان قالاسى، دوستىق كوشەسى، 11.
بايلانىس نومىرلەرى:
سالىكوۆا ە. ر. 87083832090، 472699