قازاق جىگىتتەرى امەريكانى ءتانتى ەتەدى - بوب ارۋم

«توپ رانك» پروموۋتەرلىك كومپانياسىنىڭ پرەزيدەنتى قازاقستاندىق بوكسشىلارمەن كەزدەسىپ، جىلى لەبىزىن ءبىلدىردى. الداعى جوسپارلارىمەن ءبولىستى.
باسقوسۋعا قانات وراقبايەۆ باپتايتىن بەك نۇرماعامبەت پەن ەۆگەني پاۆلوۆ جانە جۋىردا عانا كاسىپقوي بوكسقا اۋىسقان ابىلايحان ءجۇسىپوۆ پەن ءابىلحان امانقۇل قاتىسىپ، پىكىر الماستى. ايتپاقشى ءدال وسى جىگىتتەر مامىر ايىندا جانىبەك ءالىمحان ۇلىنىڭ جەكپە- جەك كەشىنە قاتىسىپ قالۋى دا مۇمكىن. ناقتى اقپارات جاقىن كۇندەرى شىعادى.
ايتا كەتەيىك، سۇلەيمەن پروموۋشن قاناتىنىڭ اسىنداعى بوكسشىلار جۋىردا عانا ساۋل الۆارەسپەن بىرلەسكەن جاتتىعۋ جيىنىن وتكىزدى جانە امەريكا تورىندە كەزەكتى كەزدەسۋلەرىن وتكىزۋدى جوسپارلاپ وتىر.
گولۋبەۆ جەڭىسكە جەتتى
قازاقستاندىق تەننيسشى ميۋنحەن قالاسىنداعى رەيتينگىلىك تۋرنيرگە قاتىسىپ جاتىر. ول جۇپتىق سىندا فرانسيالىق فابريس مارتەنمەن بىرگە ەكىنشى اينالىمعا ءوتتى. العاشقى ماچتا توكيو وليمپياداسىنىڭ چەمپيونى جانە ۋيمبلدون باسەكەسىنىڭ جەڭىمپازى بولعان حورۆاتيالىق سپورتشىلاردى ايقىن باسىمدىقپەن ۇتتى. سپورت ماماندارى مۇنى سەنساتسياعا بالاپ جاتىر.
«ليۆەرپۋل» «ۆيلياررەالدى» جەڭدى
«ليۆەرپۋل» «ۆيلياررەالدى» جەڭدى. فۋتبولدان ۋەفا چەمپيوندار ليگاسى جالعاسىپ جاتىر. جارىستىڭ كەزەكتى كۇنى جارتىلاي فينالدىق تاعى ءبىر ماتچ ءوتتى. ونىڭ اياسىندا انگليا جانە يسپانيا كلۋبتارى ليۆەرپۋل قالاسىندا جولىقتى. كەزدەسۋ اسا تارتىستى باستالدى. ءبىراق ءبىرىنشى كەزەڭدە گول سوعىلمادى. تەك 53-مينۋتتا پەرۆيس ەستۋپينيان اۆتوگولىنان كەيىن عانا ەسەپ اشىلدى. اراعا 2 مينۋت سالىپ، الاڭ يەلەرى ەسەپ ايىرماسىن ارتتىردى. بۇل جولى ساديو مانە موحامەد سالاحتىڭ پاسىن ۇتىمدى پايدالانىپ، گولدىڭ اۆتورى اتاندى. قورىتىندى ەسەپ: 2:0.
ءبىراق ايتا كەتۋ كەرەك، ماتچ بارىسىندا قوناقتار بەلسەندىرەك بولدى. اسىرەسە، جالپى ساتيستيكادا كورسەكىشتەرى جوعارى. ەندى قوس كوماندا اراسىنداعى ناعىز مىقتى 3-مامىردا انىقتالادى. قارىمتا ماچت يسپانيانىڭ ۆيلياررەال قالاسىندا وتەدى.
«تۇراقتى ويناۋعا تىرىستىق. و باستاعى ماقساتىمىز دا وسى ەدى. سونىڭ ارقاسىندا ماتچ ءبىز ءۇشىن ءساتتى اياقتالدى. ەندى سىرت الاڭدا دا جاقسى ونەر كورسەتىپ، فينالعا شىعۋعا تىرىسامىز. ول ءۇشىن قازىردەن باستاپ قاتىلكپەن جۇمىس جاساپ، ارنايى جوسپار قۇرۋ كەرەك. بۇعان قوسا، موتيۆاتسياعا دا ەرەكشە ءمان بەرۋدى كوزدەپ وتىرمىن»، - دەيدى «ليۆەرپۋل» كلۋبىنىڭ باس باپكەرى يۋرگەن كلوپپ.
جاسوسپىرىمدەر اراسىنداعى ەل چەمپيوناتى
ەل ۇزدىكتەرى ەلورداعا جينالدى. مۇندا جۇزۋدەن جاسوسپىرىمدەر اراسىنداعى قازاقستان چەمپيوناتى باستالدى. ىشكى بىرىنشىلىككە باس- اياعى 315 سپورتشى قاتىسىپ جاتىر جانە بۇل وزىندىك رەكورد دەيدى ۇيىمادستىرۋشىلار. 15 جاسقا دەيىنگى ورەندەر ەندى 5 باعىت بويىنشا ءوزارا مىقتىنى انىقتايدى. ونىڭ ىشىندە براسس، باتتەرفلياي، ەستافەتا، كرول جانە ارقالاي ءجۇزۋ تۇرلەرى بار. جارىس ناتيجەسىندە جاس ۇمىتركەرلەر سپورتتىق رازريادتتارىن ارتتىرا الادى. ال ەڭ جاقسى ونەر كورسەتكەندەرى ۇلتتىق قۇراماعا الىنىپ، الداعى حالىقارالىق جارىستارعا دايىندالادى. نۇر- سۇلتان قالاسىنداعى چەمپيونات 30-شى مامىرعا دەيىن جالعاسادى.
ج. ۇشكەمپىروۆ اتىنداعى تۋرنير وتەدى
بەس ەلدىڭ مىقتىلارى ەلوردادا باس قوسادى. بىرەر كۇننەن كەيىن داڭقتى پالۋان ءارى وليمپيادا چەمپيونى جاقسىلىق ۇشكەمپىروۆ اتىنداعى حالىقارالىق تۋرنير وتەدى. وعان قازىردىڭ وزىندە ءتاجىستان، قىرعىزستان، وزبەكستان جانە يران قۇرامالارى قىزىعۋشىلىق تانىتىپ وتىر. گرەك- ريم كۇرەسىنەن جاستار اراسىنداعى جارىسقا باس-اياعى 250 سپورتشى قاتىسادى. بايراقتى باسەكە جاقسىلىق ۇشكەمپىروۆ اتىنداعى جەكپە-جەك سارايىندا بولادى جانە جاس پالۋاندار ءۇشىن شەبەرلىك شىڭداۋعا ءارى تاجىريبە جيناۋعا جاقسى مۇمكىندىك دەيدى ۇيىمداستىرۋشىلار. ال ۇلتتىق قۇرمانىڭ باسى-قاسىنداعىلار تالانتتى ورەندەردى ىرىكتەپ، كەيىن الەمدىك الماندارعا شىعارۋدى كوزدەپ وتىر. ايتا كەتۋ كەرەك، ۇشكەمپىروۆ اتىنداعى تۋرنير 1984 -جىلدان بەرى تۇراقتى ۇيىمداستىرلىپ كەلەدى. بىرەر جىل بۇرىن حالىقارالىق دەڭگەيگە كوتەرىلىپ، رەسمي تۇردە حالىقارالىق جارىستار كۇنتىزبەسىنە ەندى.
24.kz