قازاق فيلمنىڭ تاعى ءبىر ۆيتسە-پرەزيدەنتى قىزمەتىنەن كەتتى

نۇر-سۇلتان. قازاقپارات - شاكەن ايمانوۆ اتىنداعى «قازاق فيلم» ا ق ءوندىرىس جونىندەگى ۆيتسە- پرەزيدەنتى ايدار باتالوۆ قىزمەتىنەن كەتتى.

ايدار باتالوۆ بۇل قىزمەتكە 2021 -جىلدىڭ ناۋرىز ايىندا تاعايىندالعان.

«مەن ارىپتەستەرىمە جانە بۇكىل ۇجىمعا ۋاقىتتى بىرگە وتكىزىپ، جوعارى دەڭگەيدە ورىندالعان جوبالار ءۇشىن العىس ايتامىن. مادەنيەت جانە سپورت مينيسترلىگىنە بىرلەسكەن جۇمىس ءۇشىن، باسشىلىققا سەنىم بىلدىرگەنى ءۇشىن العىسىم شەكسىز. العا قادام باساتىن ۋاقىت كەلدى، ەندى مەنىڭ ومىرىمدە جاڭا كەزەڭ باستالدى»، - دەدى ول.

ايدار باتالوۆ 1987 -جىلى 13-جەلتوقساندا دۇنيەگە كەلگەن. 2010 -جىلى ول London Film Academy-دى ءبىتىرىپ، قازاقستانعا ورالعاننان كەيىن «اڭىزدار كىتابى: جۇمباق ورمان» اتتى تۇڭعىش قازاقستاندىق فانتاستيكالىق فيلمنىڭ جەلىلىك پروديۋسەرى رەتىندە جۇمىسقا كىرىستى. ءبىر جىلدان كەيىن ول ءوزىنىڭ العاشقى قىسقا مەتراجدى «ونلاين» فيلمىن، كەيىن تولىق مەتراجدى كوركەم فيلم «زاگوۆور وبەرونانى» ءتۇسىردى.

بۇعان دەيىن ايدارحان ادىلبايەۆ «قازاق فيلم» كينوستۋدياسىنىڭ ۆيتسە-پرەزيدەنتى قىزمەتىنەن ءوز ەركىمەن كەتكەنىن حابارلاعانبىز.

ەسكە سالايىق، 2022 -جىلدىڭ اقپانىندا «قازاق فيلم» پرەزيدەنتى اقان ساتايەۆ مادەنيەت جانە سپورت مينيسترلىگى القاسىنىڭ كەڭەيتىلگەن وتىرىسىندا كينوستۋديا جۇمىسىنداعى نەگىزگى پروبلەمالاردى ايتقان بولاتىن. عيمارات قابىرعالارىنىڭ ءشىرىپ جاتقانىن، كەيبىر قىزمەتكەرلەردىڭ ءوز جۇمىسىن دۇرىس ىستەمەيتىنىن ايتىپ شاعىمدانعان.

ساتايەۆتىڭ ايتۋىنشا، وتكەن عاسىردا سالىنعان كينوستۋديا عيماراتىنىڭ ماتەريالدىق- شارۋاشىلىق بولىگى تۇگەلدەي جوندەلمەگەن.