بەيجىڭدە كوروناۆيرۋستىڭ ورشۋىنە بايلانىستى مەكتەپتە ساباق بەرۋ توقتاتىلدى

بۇل شەكتەۋلەر قاۋىپتى ۆيرۋستىڭ تارالۋىن توقتاتۋ ماقساتىندا ەنگىزىلدى، دەپ حابارلايدى قازاقپارات.
بەيسەنبى كۇنى تاڭەرتەڭ بەيجىڭدىك چاويان اۋدانىنداعى جەكەمەنشىك مەكتەپتەردە ءبىلىم الۋشىلاردىڭ اتا-انالارىنا وقۋ ورىندارى قاشىقتىقتان وقىتۋ رەجيمىنە كوشكەنى تۋرالى شۇعىل حابارلاما كەلدى.
جەرگىلىكتى ب ا ق-تىڭ حابارلاۋىنشا، سارسەنبىدەن باستاپ مۇنداي شارالار قالانىڭ باسقا اۋداندارىنداعى ءبىرقاتار باستاۋىش جانە ورتا مەكتەپتەردە ەنگىزىلە باستايدى. سونداي-اق، تۋنچجوۋ اۋدانىنداعى بالاباقشالار جۇمىسى توقتاتىلعان. 27-ساۋىردەگى جاعداي بويىنشا، مەكتەپ وقۋشىلارى اراسىندا COVID-19 ينفەكسياسىن جۇقتىرۋ وقيعالارىنىڭ سانى ارتىپ كەلەدى. استانالىق چاويان اۋدانىنداعى مەكتەپتەردىڭ بىرىندە ۆيرۋسقا شالدىعۋدىڭ 36 وقيعاسى انىقتالعان.
ق ح ر گيگيەنا جانە دەنساۋلىق ساقتاۋ مەملەكەتتىك كوميتەتىنىڭ مالىمەتىنشە، سوڭعى تاۋلىكتە بەيجىڭدە كوروناۆيرۋس ينفەكسياسىن جۇقتىرۋدىڭ 50 جاڭا وقيعاسى تىركەلدى. دۇيسەنبىدەن باستاپ بيلىك قىتاي استاناسى اۋداندارىنداعى ءبىرقاتار تۇرعىنداردى جاپپاي تەستىلەۋدەن وتكىزۋدە.