الماتىدا تۇرعىن ءۇي باعدارلاماسىنا قۇجات قابىلداۋ باستالادى

الماتى. قازاقپارات- بيىل «الماتى جاستارى» جوباسى اياسىندا قالانىڭ 1 مىڭ تۇرعىنى باسپانالى بولادى، دەپ حابارلايدى قازاقپارات ءتىلشىسى.
None
None

الماتى اكىمدىگى باسپا ءسوز قىزمەتىنىڭ مالىمەتىنشە، قۇجاتتار مەن وتىنىشتەردى قابىلداۋ مامىر ايىنا جوسپارلانعان. نەسيەنىڭ ەڭ جوعارى سوماسى 18 ميلليون تەڭگەگە دەيىن.

جەڭىلدىكپەن نەسيەلەندىرۋ بويىنشا «الماتى جاستارى» قالالىق باعدارلاماسى شەڭبەرىندە وتىنىمدەر مەن قۇجاتتاردى قابىلداۋ ناقتى قاشان باستالاتىنى، باعدارلامانىڭ بيىلعى جىلعى شارتتارى مەن تالاپتارى بويىنشا اقپارات قالالىق تۇرعىن ءۇي ساياساتى باسقارماسىنىڭ سايتىندا جانە الەۋمەتتىك جەلىدەگى پاراقشالارىندا جاريالاناتىن بولادى.

وسى باعدارلاما اياسىندا بيىل 1 مىڭ جاس وتباسى باسپانامەن قامتاماسىز ەتىلەدى.

ايتا كەتەيىك، باعدارلاماعا 35 جاسقا دەيىنگى جاستار قاتىسا الادى، ولار: مەديتسينا قىزمەتكەرلەرى، مۇعالىمدەر، ج و و مەن ع ز ي وقىتۋشىلارى، عىلىمي قىزمەتكەرلەرى، مادەنيەت جانە سپورت سالاسىنىڭ قىزمەتكەرلەرى، جۋرناليستەر، جازۋشىلار، حالىقتى الەۋمەتتىك قورعاۋ جانە قۇقىق قورعاۋ ورگاندارىنىڭ ماماندارى. 2020 -جىلى ءۇي الۋعا بەرىلەتىن قارىز 13 ميلليون تەڭگە ەدى. بىلتىر نەسيە كولەمى 18 ميلليون تەڭگەگە ارتتىرىلدى. ەگەر ءوتىنىم قابىلدانسا، ونىڭ 10 پايىزىن، ياعني 1,8 ميلليون تەڭگەنى باستاپقى جارنا رەتىندە تولەپ، 18 ميلليون تەڭگەگە باسپانا الۋعا بولادى.

اۆتور: الما مۇقانوۆا

سوڭعى جاڭالىقتار